Maraqlı

Sensasiyalı kəşf: ac qatil aşkarlandı - FOTO

13 Dekabr 2016 10:44

0 Şərh Baxış: 4 861

VTB-də minimal faiz dərəcəsi ilə nağd kredit 9.9%-dən

#FOTOSESSİYA #ELM #KOSMOS #ASTRONOMİYA #TƏDQİQAT

İndiyədək aşkarlanmış ən parlaq ulduzlardan biri, sən demə, ulduzu udmuş qara dəlikmiş.

Milli.Az EurekAlert-ə istinadən bildirir ki, İsraildəki Veysman İnstitutunun (Weizmann Institute of Science) və Danimarkadakı Nils Bor İnstitutunun nəzdindəki Qara Materiya və Qara enerjinin Tədqiqatı Mərkəzinin (Dark Cosmology Centre) alimlərinin birgə apardıqları araşdırmanın nəticələri belədir.

Araşdırmanın sonucları Nature Astronomy jurnalında dərc olunub.

"All Sky Automated Survey" rəsədxana-kosmik tədqiqatlar xidmətinin 2015-ci ildə aşkarladığı ASASSN-15lh kosmik obyekt müşahidələrin bütün tarixi boyunca ən parlaq yeni ulduz təki səciyyələndirilmişdi. Astronomların fikrincə, onların müşahidə etdikləri həddən ziyadə parlaqlıq çox böyük ulduzun məhvinə səbəb olmuş partlayışdı. Partlayış zamanı işıqlanma Sül Yolunun ətrafa saçdığı işıqdan 20 dəfə güclü olub. Ən yeni ulduzun özü Yerdən 4 milyard işıq ili məsafəsindədir.

Partlayışdan sonra 10 ay ərzində "ASASSN-15lh" obyektini müşahidə etmiş alimlərin fikrincə, bu işıqlanma yeni ulduzun partlayışı çox, ağlagəlməz dərəcədə böyük olan qara dəliyin ətrafa işıq saçmasıdır.

Həmin qara dəlik özünə cəlb etdiyi qüvvələr sayəsində Günəş boyda ulduzu parladaraq məhv edib. Alimləri yanıldan və onların yeni ulduz kəşf etdiklərini söyləmələrinə rəvac verən məqam isə ulduzun məhvindən sonra ətrafında formalaşdırdığı akkresiyya diski olub. Məhz həmin disk intensiv işıqlanmanın mənbəyi idi.

Astronomlar işıq saçan qara dəliyi "Ac qatil" adlandırıblar.

Milli.Az