Maraqlı

Nissan yeni kupeni göstərdi - FOTO

5 May 2015 23:15

0 Şərh Baxış: 1 665

#NİSSAN MOTOR CO LTD

Nissan konserni Amerika bölməsi 2016-cı model ilinin kupe Nissan GT-R 45th Anniversary Gold Edition idman kupesi yubiley buraxılışının geniş qalereyasını yayımlayıb. Xüsusi avtomobilin rəsmi şəkillərinin yeni buraxılışı eksklüziv yeni modellə daha yaxından tanış olmağa və onun xarici görkəminə bir daha heyran olmağa imkan verir.

Milli.Az 4charx.com-a istinadən bildirir ki, Nissan GT-R 45th Anniversary Gold Edition idman kupesi xüsusi versiyasının buraxılışı ciddi şəkildə məhdudlaşdırılıb və onlardan alnız 30 nüsxə ABŞ-da satılacaq. Yüksək məhsuldar avtomobil interyer və eksteryerdə çoxsaylı eksklüziv elementlərlə öyünə bilər.

Nissan GT-R 45th Anniversary Gold Edition 2016 yubiley versiyası Silica Brass çalarlı unikal qızılı rəng, unikal idman kürsüləri, fərdi VIN nömrə lövhəcikləri və bir sıra başqa özəl xüsisiyyətlər əldə edib.

Nissan GT-R 45th Anniversary Gold Edition 2016 yubiley modelinin mühərrik bölməsində 3,8 litrlik V6 tvin-turbo güc aqreqatı yer alıb. Mühərrik 550 a.g. və 627 Nm fırlanma anı hasil edir.

"Qızılı" Nissan GT-R 45th Anniversary Gold Edition 2016 yubiley kupesi ABŞ-da 102 770 dollara təklif ediləcək.

Milli.Az