Məsamələri daraldan təbii - ÜSULLAR
VTB-də minimal faiz dərəcəsi ilə nağd kredit 9.9%-dən
Məsamələrin geniş olması sızanaq və qara nöqtələrin meydana gəlməsinə şərait yaradır. Çünki çirk və bakteriyalar məsamələrə daxil olaraq onu qara nöqtə və ya sızanağa çevirir.
Ona görə də məsamələri daraltdıqda avtomatik olaraq sızanaq və qara nöqtələrdən də xilas olacaqsınız.
Unutmayın ki, yaş da məsamələrin genişlənməsinə təsir edir.
Yaş artdıqca dəri elastikliyini itirir və məsamələr daha pis bir görüntüyə sahib olur.
Genetika, stress və dəriyə doğru qulluq etməmək də məsamələrin genişlənməsinə səbəb olur.
Bazarda bu problemlə mübarizə aparan çoxlu sayda kosmetik məhsul olsa da, bu problemdən bir dəfəlik xilas olmaq mümkün deyil.
Milli.Az publika.az-a istinadən məsamələri daraldıb daha qüsursuz dəriyə qovuşmağınızı təmin edəcək üsulları təqdim edir. Bu üsulları əvvəllər həftədə 2 dəfə, daha sonra ayda 4 dəfə tətbiq edərək məsamələri nəzarət altına ala bilərsiniz.
Buz
Buz dərini möhkəmləndirir. Ona görə də geniş məsamələri kiçiltmək və daraltmaq üçün ən sadə, eyni zamanda da təsirli vasitədir.
Makiyaj edərkən tonal krem, ənlik, pudra kimi məhsullar məsamələrə dolur. Bunun qarşını almaq üçün makiyajdan öncə üzünüzü buzla masaj edin. Bir dəqiqəlik masajdan sonra 5 dəqiqə gözləyib makiyaja başlaya bilərsiniz.
Buz qan dövranını sürətləndirir və bu da sağlam dəri üçün vacibdir.
Buza alternativ olaraq gündə bir dəfə üzünüzü buz kimi soyuq suyla yuya bilərsiniz.
Qeyd edək ki, buzun faydasını artırmaq üçün, xiyar və alma suyunu, yaşıl çayı və ya gül suyunu buz qabında dondurub, üzünüzü həmin buzla masaja edə bilərsiniz.
Şəkər tozu maskası
2 xörək qaşığı şəkər tozu, 1 xörək qaşığı zeytun yağı və bir neçə damcı limon suyunu qarışdırın.
Qarışığı üzünüzə çəkib 20-30 saniyə masaj edin. Daha sonra soyuq su ilə üzünüzü yuyun.
Bunu həftədə 2-3 dəfə təkrarlaya bilərsiniz.
Bal, limon suyu və şəkər tozunu qarışdıraraq əldə edəcəyiniz maska da eyni effekti verə bilər. Bu maskanı isə üzdə 10 dəqiqə saxlamaq lazımdır. Həftədə 1 dəfə çəkmək olar.
Gil
Dərini təmizləmək və yağ nisbətini tənzimləmək üçün ən yaxşı vasitə gildir. Gildən ta qədim zamanlardan bəri həm gözəllik, həm də sağlamlıq üçün geniş şəkildə istifadə edilib.
Gil məsamələri daraldır, eyni zamanda sızanaq izlərini və ləkələri yox edir.
Günəşin dəriyə verdiyi zərəri aradan qaldırır, dərini bərpa edir.
İki xörək qaşığı gili bir miqdar gül suyu ilə qarışdırıb xəmir halına salın.
Maskanı üzünüzə çəkib quruyana kimi, təxminən 15-20 dəqiqə gözləyin.
Əvvəlcə üzünüzü ovuşduraraq maskanı təmizləyin, daha sonra isə soyuq suyla yuyun.
Həftədə bir və ya iki dəfə bu maskadan istifadə edin.
Qatıq
Qatıq məsamələri daraldan ən təsirli vasitələrdən biridir.
Dərini yağ, çirk və ölü dəridən təmizləyir. Tərkibindəki turşular qırışları açır, mimika xətlərini azaldır.
Qatığı üzünüzə nazik bir təbəqə halında çəkib 10 dəqiqə saxlayıb yumaq lazımdır.
Bir ay müddətində həftədə üç-dörd dəfə təkrarlayın.
Yumurta ağı
Yumurta ağı da genişlənmiş məsamələrin düşmənidir.
Yumurtanın sarısını ayırıb, ağını üzünüzün hər yerinə çəkin. Quruduqdan sonra üzünüzü yuyun.
Daha sonra nəmləndirici kreminizi çəkin. Bu proseduranı mütəmadi olaraq həftədə 2 dəfə təkrarlayın.
Bundan başqa aşağıdakı maskanı da sınaqdan keçirə bilərsiniz:
2 yumurtanın ağı ilə yarım limonun suyunu qarışdırın. Üzünüzə çəkib 10 dəqiqə gözlədikdən sonra soyuq su ilə təmizləyin.
Bu maskanı da bir ay müddətində həftədə bir neçə dəfə çəkmək lazımdır.
Yulaf
Yulaf genişləmiş məsamələri daraldan və dəridəki artıq yağı, ölü dəri hüceyrələrini yox edən möcüzələrdən biridir.
Yulafın bir üstünlüyü var ki, o həssas dəriyə sahib olanlara da kömək edir.
Bal, süd tozu və yulaf əzməsini qarışdırıb xəmir halına salın.
Bu maskanı üzünüzə çəkib dairəvi hərəkətlərlə masaj edin.
15 dəqiqə sonra üzünüzü soyuq suyla yuyun.
Həftədə bir dəfə tətbiq etmək olar.
Xiyar
Xiyar dərini möhkəmləndirir, ona görə də məsamələrin kiçilməsinə kömək edir.
Həmçinin, dərinin toxumalarını sağlamlaşdıraraq daha təravətli dəriyə qovuşdurur. Xiyarı rəndələyin və ya şirəçəkəndən keçirin. Xiyarın suyunu pambığa damızdırıb üzünüzü silin. Su üzünüzdə quruduqca proseduranı 3-4 dəfə təkrarlayın.
15-20 dəqiqə sonra üzünüzü soyuq su ilə yuyun.
Xiyar suyuna bir az gül suyu, bir az limon suyu əlavə edib üzə çəkdikdə daha təsirli olur.
Bu tonikləri hər gün çəkə bilərsiniz.
Alma sirkəsi
Alma sirkəsi dəri sağlamlığı üçün vacib komponentlərə malikdir.
Dərini möhkəmləndirir, tonusunu artırır, məsamələri daraldır və dərinin ph tarazlığını qoruyur.
Alma sirkəsi sizi sızanaqlardan da xilas edəcək.
1 xörək qaşığı alma sirkəsini 1 xörək qaşığı suyla qarışdırıb pambıq vasitəsilə üzünüzə çəkin.
1 dəqiqə saxladıqdan sonra üzünüzü yuyun. Yaxşıca qurulandıqdan sonra nəmləndirici kreminizi çəkin.
Ən yaxşı nəticəni əldə etmək üçün hər gecə proseduranı təkrarlayın.
Milli.Az
DİGƏR XƏBƏRLƏR
-
Aparıcı Çinarə körpə qızı ilə nənəsinin yubileyində - (Video)
-
“Ihlamurlar Altında”nın əfsanəvi cütlüyü 21 il sonra bir arada - (Video)
-
Aşıq Zülfiyyə ilə Telli Borçalı arasında "buzlar əridi" – Barışdılar
-
Az zəhmətlə bol məhsul və gəlir gətirən 5 meyvə ağacı
-
Evlilik təklifi edən gənci hər kəsin içində pərt etdi (Video)
-
Təranə Qumralın evindəki qızıldan məcməyinin qiyməti heyrətləndirdi - (Video)
XƏBƏR LENTİ
-
Bella və Cici Hadidin atası özündən 35 yaş kiçik rus modellə evlənir - (Foto)
-
Kürdəmirdə 6 otaqlı ev əşyaları ilə birlikdə kül oldu - (Foto)
-
Samuxda minik maşını aşıb, xəsarət alanlar var
-
Bakıda 23 yaşlı qadın qətlə yetirildi - ögey qardaşı saxlanıldı
-
Birinci kurs tələbəsi vəfat etdi
-
Rusiyanın Kemerovo vilayətində "An-12" qəzaya uğrayıb, 17 nəfər həlak olub
-
İran PUA texnologiyalarını Ermənistana ötürüb? – Eyni dron İrəvanda istehsal olunur
-
Azərbaycanda iki sosial müavinət artırılır - Yeni məbləğ
-
Prezident İlham Əliyevin sosial media hesablarında Gürcüstanın Baş nazirinin müavininin qəbulu ilə bağlı videoçarx paylaşılıb - (Video)
-
Bakının məşhur şadlıq sarayları təftiş edildi: Qonaqlara mal əti əvəzinə nə yedirilib? - (Foto)
-
Prezident İlham Əliyevin sosial media hesablarında Almaniyanın xarici işlər nazirini qəbulu ilə bağlı videoçarx paylaşılıb - (Video)
-
Bakcell gənclər üçün növbəti süni intellekt hakatonunu keçirib - (Foto)
-
Prezident İlham Əliyev Gürcüstanın Baş nazirinin müavinini qəbul edib - (Foto/Video)
-
U-17 millimiz Litva ilə heç-heçə etdi
-
Prezident İlham Əliyev Almaniyanın xarici işlər nazirinin başçılıq etdiyi nümayəndə heyətini qəbul edib - (Foto/Video)
-
Aparıcı Çinarə körpə qızı ilə nənəsinin yubileyində - (Video)
-
İran Xameneinin ölümünə görə 159 nəfərə ittiham irəli sürüb
-
Aktrisa Leyla Musayeva vəfat etdi
-
“Ihlamurlar Altında”nın əfsanəvi cütlüyü 21 il sonra bir arada - (Video)
-
Bu tələbələrə hərbi xidmətdən möhlət verilməyəcək
-
Aşıq Zülfiyyə ilə Telli Borçalı arasında "buzlar əridi" – Barışdılar
-
Azərbaycanda saatlıq əməkhaqqı sistemi tətbiq ediləcək
-
Azərbaycanda məzuniyyətə çıxmaq məcburi olacaq
-
Qışda avtomobilinizi bu 10 təhlükədən qoruyun





