Maraqlı

Otel xidmətçisi gəlini niyə boğdu? - FOTOSESSİYA

18 Yanvar 2011 21:46
Baxış: 665
VTB-də minimal faiz dərəcəsi ilə nağd kredit 9.9%-dən
#IRELAND
Milli.Az xəbər portalı "The Daily Mail"ə istinadən bildirir ki, məşhur irland futbol məşqçisinin qızını Mavrikidəki dəbdəbəli otelin xidmətçisi qətlə yetirib.
Hind Okeanındakı adada yerləşən məşhur kurortda "bal ayı"nı keçirməyə gəlmiş 27 yaşlı müəllimə Mikaela Hartın meyidi dördulduzlu "Legends" otelinin hamam otağında tapılıb.
Meyidi təzə bəy, futbolçu Con Makerevi görüb.

Miakela və Con Yeni İl bayramı ərəfəsində evlənmişdilər.
Təzə gəlin nahardan sonra çay içmək üçün bir neçə dəqiqəyə otağa qalxanda qətl baş verib. Təxminən saat 15 radələrində onun meyidi ağzına qədər su ilə doldurulmuş vannanın içində tapıolıb. Su axmağa davam etdiyindən hər şey bədbəxt hadisəyə bənzəyirdi. Lakin hadisə yerinə çağırılmış kriminalistlər qadının boğularaq öldürüldüyünü deyiblər.

Qətldə əli olmaqda şübhəli bilinən üç nəfər tutulub. Onların hamısı "Legends" otelinin işçiləridir.
Mikaelanı qətlə yetirməkdə isə bilavasitə 29 yaşlı otaq xidmətçisi Abinaş Tribuvun və 41 yaşlı mərtəbə nəzarətçisi Sandip Monea şübhəli bilinir.

Polis hesab edir ki, onlardan biri boş otağı qarət etmək fikrinə düşüb, lakin Mikaelanın qəflətən qayıtması cinayətkarlara mane olub.
Oğrunu otaqda görən "arzuolunmaz şahid"i bu minvalla öldürərək, izi itirməyə çalışıblar.

Tural
Milli.Az







































Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.