Milli.Az auto.az-a istinadən bildirir ki, "Mercedes-Benz"-in model sırasında ən kiçik yolsuzluq avtomobilinin kompleks tüninq proqramı yeni asılqandan, dəbli təkərlərdən, gücləndirilmiş mühərrikdən və yenilənmiş salondan ibarətdir.
Avtomobilin unikallığını tamamlamaq üçün tüninq mütəxəssisləri geniş xüsusi aksesuarlar dəstini hazırlayıblar. Opsional "AMG Sports Package" paketi olan "Mercedes GLA" yenidən işlənmiş bamperlər, yan kandar əlavələri və damın sonunda yerləşdirilmiş ikinci spoyler sayəsində daha aqressiv görünür.
Avtomobil, həmçinin 18-düymlük 2-rəngli disklər, 4-borulu qazburaxma sistemi və banın əsas qırmızı rənginə təzad yaradan çoxlu sayda qara detallarla təchiz edilib.
Qara dəri və qara alkantara ilə işlənmiş salonda qırmızı tikişlər, 2-rəngli xalılar, alüminium pedallar və qapı kandarlarında göy işıqları olan əlavələr görmək olar. "D3" modulu 2,1-litrlik dizel mühərrikinin gücünü 40 a.g. və 60 Nm artırır.
Nəticədə 210 a.g. və 410 Nm krossoveri 100 km/saata 8 saniyəyə çatdırır, maksimal sürət isə 220 km/saatdır.
Milli.Az
Böyütmək üçün şəkillərə klikləyin.