Maraqlı

Bu gün də Yeni ildir

13 Yanvar 2014 09:42
12 Şərh     Baxış: 16 400
VTB-də minimal faiz dərəcəsi ilə nağd kredit 9.9%-dən
#POPULYAR XƏBƏRLƏR #MARAQLI

Azərbaycanda köhnə Yeni il haqqında məlumat olsa da, bu günü qeyd etmirlər

Bu gün köhnə təqvimlə yeni il girir. Yanvarın 13-də Yeni ilin qeyd olunması Rusiyada xristianlığın qəbulundan sonra baş verib. Bu tarixi pravoslav kilsəsi İsa peyğəmbərin doğum günü ilə əlaqədar tərtib etdiyi təqvim əsasında müəyyənləşdirib.

Anspress yazır ki, XVIII əsrdə Rusiya imperatoru Birinci Pyotr pravoslav kilsəsinin tərtib etdiyi təqvimi ləğv edərək yeni ilin bütün dünyada olduğu kimi ölkəsində də yanvarın 1-dən başlamasına göstəriş verib.

Katoliklər isə yeni ili e.ə 45-ci ildə roma imperatoru Yuli Sezarın tərtib etdiyi təqvim əsasında indiyə qədər yanvarın 1-i qeyd edirlər.

Köhnə Yeni ilin bayram rəmzlərinə gəldikdə isə bunun təzə yeni ildən heç bir fərqi yoxdur. Yalnız keçmişdə qeyd olunan köhnə Yeni ildə insanlar qurbanlar verirmişlər. Tarixi mənbələrə görə, Yeni il qarşılayanlar Saturn adlı qocaya yetkin qızları qurban verirmişlər. Onlar qızları şam ağacına bağlayaraq donaraq ölmələrinə səbəb olurlarmış. Sonralar insanlar qızların əvəzinə heyvan qurbanları veriblər.

Şaxta babanın insanlara hədiyyə verməsi ənənəsinin yayılması isə eramızın VII əsrinə təsadüf edir. Bu, bizanslı din xadimi Miklus tərəfindən yayılıb. Tarixdə baş verən dəyişikliyə baxmayaraq köhnə yeni il hazırda da keçirilir.

Azərbaycanda isə əhali arasında köhnə Yeni il bayramı haqqında məlumat olsa da, bu günü qeyd etmirlər.

Qeyd edək ki, Rusiya ilə yanaşı, köhnə yeni il Ukrayna, Belarus, Serbiyada, Çernoqoriya və İsveçrədə keçirilir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.