Bələdçilərə görə təyyarədə sifariş edilməməli olan yeganə içki

Bir uçuş bələdçisi təyyarə səfərlərində uzaq durulmalı olan təhlükəyə işarə edib. Təyyarədəki qəhvə suyu həqiqətən də çirklidirmi?

Milli.Az xəbər verir ki, "American Airlines" şirkətində çalışan təcrübəli uçuş bələdçisi təyyarələrdəki qəhvə servisinin haqsız yerə adı çıxdığını bildirib. Sərnişinlər arasında isti içkilərin hazırlandığı su çənlərinin çirkli olması ilə bağlı geniş yayılmış narahatlıq mövcuddur. Uçuş bələdçisi bu iddiaları təkzib edərək bunları qeyd edib: "Təyyarələrdəki su tamamilə içməlidir, müntəzəm olaraq yoxlanılır və standartlara uyğun olmalıdır. Dezinfeksiya proseslərinə görə suda yüngül xlor qoxusu və ya fərqli dad hiss oluna bilər. Bu vəziyyət içmə keyfiyyətinə təsir edə biləcəyi üçün ən rahat seçim şüşəli içkilərə üstünlük verməkdir."

Qəhvə aparatlarının və avadanlıqların təmizliyinin həmin anki heyətin səliqəsindən asılı olduğunu qeyd edən bələdçi əməliyyat sıxlığının bəzən bu proseslərə təsir edə biləcəyini bildirib. Digər tərəfdən, təyyarədəki buzlar haqqında rahatlaşdırıcı məlumatlar verərək buzların peşəkar iaşə xidmətləri tərəfindən filtrdən keçirilmiş sudan hazırlandığını və qablaşdırılmış halda təyyarəyə gətirildiyini vurğulayıb.

Göydə spirtli içki istehlakı bədəni daha çox susuzlaşdırır
Uçuş bələdçisinin açıqlamalarına görə, səyahət rahatlığını əslində təhdid edən içki qəhvə deyil, alkoqoldur. Kabin içindəki havanın aşağı rütubətə malik olması və təzyiqli quruluşu yüksək hündürlükdə spirtin bədən üzərindəki təsirlərini dəyişdirir. Təzyiqli mühitdə alkoqol bədəni normaldan qat-qat sürətli şəkildə susuzlaşdıra bilər (dehidrasiya). Bu vəziyyət uçuş zamanı və sonrasında yorğunluq, baş ağrısı və ümumi narahatlıq hissine səbəb ola bilər.

Həmçinin aşağı oksigen səviyyəsi ilə birləşən alkoqol istehlakı insanın özünü normaldan daha halsız hiss etməsinə səbəb olur. Aviasiya mütəxəssisləri və kabin heyətinin sağlam bir səyahət üçün əsas tövsiyəsi uçuş müddətində alkoqol miqdarını məhdudlaşdırmaq və kabin içindəki quru havanın təsirlərini tarazlaşdırmaq adına bol miqdarda su istehlak etməkdir.

Müəllif: Ülkər Vəliyeva (Milli.Az redaktor)