Maraqlı

Dünyanın yaşamaq üçün ən rahat şəhərlər - Reytinq açıqlandı

10 İyul 2026 04:04

Baxış: 337

VTB-də minimal faiz dərəcəsi ilə nağd kredit 9.9%-dən

#DÜNYADA #TURİST

Böyük Britaniyanın "Economist Intelligence Unit" (EIU) analitik mərkəzi dünyanın yaşamaq üçün ən rahat şəhərlərinin illik reytinqini təqdim edib. Siyahıya ikinci il ardıcıl olaraq Danimarkanın paytaxtı Kopenhagen başçılıq edib.

Milli.Az oxu.az-a istinadən xəbər verir ki, bu barədə CNN məlumat yayıb.

Reytinq şəhərlərdə səhiyyə, təhsil, mədəniyyət, ətraf mühit və infrastruktur göstəriciləri əsasında tərtib edilir. Analitiklər, həmçinin insanların həmin şəhərlərdə qarşılaşa biləcəyi çətinlikləri də qiymətləndirirlər.

Kopenhagen sabitlik, inkişaf etmiş infrastruktur və dövlət xidmətlərinin yüksək keyfiyyəti sayəsində birinci yeri tutub. Keçən il olduğu kimi, ikinci yerdə Vyana (Avstriya) qərarlaşıb. 2025-ci ildə Vyana bu pilləni Sürixlə (İsveçrə) bölüşsə də, 2026-cı ildə Sürix üç pillə geriləyib.

İlk onluğa, həmçinin Melburn, Sidney (hər ikisi Avstraliya), Cenevrə (İsveçrə), Osaka (Yaponiya), Adelaida (Avstraliya), Vankuver (Kanada) və Tokio (Yaponiya) daxil olub.

EIU bildirib ki, dünyada həyat keyfiyyətinin orta göstəricisi ötən illə müqayisədə dəyişməyib.

Müəllif: Tural Hüseyn (Milli.Az redaktor)