Maraqlı

500 çörəkdən hazırlanan libası müzakirə yaratdı - VİDEO

20 May 2026 11:30

Baxış: 2 029

VTB-də minimal faiz dərəcəsi ilə nağd kredit 9.9%-dən

#VİDEO #MƏŞHURLAR #MODA #NİGERİA #DƏB #İNFLUENSER

Nigeriyalı influenser Mersi Atanq qeyri-adi geyim seçimi ilə sosial şəbəkələrin gündəminə çevrilib. Bloqerin 500 ədəd çörəkdən hazırlanan libası internetdə geniş müzakirələrə səbəb olub.

Milli.Az xəbər verir ki, məlumata görə, fərqli dizayna sahib geyimin hazırlanması üçün yüzlərlə çörəkdən istifadə edilib. Libasın çəkisi və həcmi səbəbindən influenserin sərbəst hərəkət etməsi mümkün olmayıb. Görüntülərdə Mersi Atanqın yalnız ətrafındakı insanların köməyi ilə yeriyə bildiyi əks olunub.

Paylaşılan videolar qısa müddətdə milyonlarla baxış toplayıb. Sosial media istifadəçilərinin bir qismi bu ideyanı kreativ və diqqətçəkən hesab etsə də, digərləri ərzaq məhsullarının bu şəkildə istifadə olunmasını tənqid edib.

Xüsusilə dünyanın bir çox yerində insanların qida çatışmazlığı yaşadığını vurğulayan istifadəçilər geyimi "israf" adlandırıblar. Bununla yanaşı, bəzi izləyicilər isə layihənin moda və performans sənəti baxımından maraqlı olduğunu qeyd ediblər.

Müzakirələrə səbəb olan görüntülər sosial şəbəkələrdə yayılmağa davam edir.

Musa
Milli.Az