Xalçadakı ləkələrdən qurtulmaq artıq çox asandır

Xalçaya boya və ya yağ tökülməsi kimi panika yaradan ləkələri düzgün üsulla tamamilə təmizləmək mümkündür. Təmizlik mütəxəssisi Samanta Hoces xalçadakı inadkar ləkələrlə mübarizə aparmağın addımlarını bölüşüb.

Milli.Az xəbər verir ki, mütəxəssislərə görə, ləkə xalçanın liflərinə nə qədər dərindən işləyərsə, onu çıxarmaq bir o qədər çətinləşir. Xüsusilə yağ əsaslı ləkələr liflərə güclü yapışdığı üçün dərhal müdaxilə edilməlidir. Su əsaslı ləkələr isə sürətlə yayıldığı üçün ləkənin böyüməsinin qarşısını almaq lazımdır.

Təmizlik zamanı edilən ən böyük xəta ləkəni sürtmək və ya ovalamaqdır.

Ləkə mütləq tampon hərəkətləri ilə (basıb-çəkməklə) təmizlənməlidir.

Ovalamaq ləkənin xalçanın daha dərinliyinə işləməsinə və yayılmasına səbəb olur. Bunun əvəzinə təmiz bir bez və ya kağıt dəsmalla ləkəni yuxarıya doğru çəkmək tövsiyə olunur.

Su əsaslı ləkələr necə çıxarılır?
Kağız dəsmalla ləkəni yaymadan artıq hissəni götürün.

Ləkəli bölgəyə az miqdarda su çəkin. Məqsəd daxilə işləyən ləkəni durulaşdırıb səthə çıxarmaqdır.

Bir neçə damcı qab yuyan maye və ya yüngül sabunu su ilə qarışdırıb tətbiq edin. Təmiz bezlə tampon hərəkətləri edərək ləkəni götürün.

Həddindən artıq yuyucu vasitə istifadə etməyin, bu, xalçada yeni bir təmizlik problemi yarada bilər.

Yağ əsaslı ləkələr (məsələn, boya) üçün nə etməli?
Spatula və ya plastik bir qazıyıcı ilə artıq kütləni diqqətlə götürün. Bunu edərkən xalçaya sərt basmayın, yoxsa ləkə yayılar.

Artıq hissə götürüldükdən sonra soyuq su və yüngül yuyucu qarışığından istifadə edin.

Bez və ya kağız dəsmalla ləkəni silin. Çox zəruri hallarda yumşaq fırça istifadə edilə bilər, lakin bez ən təhlükəsizidir.

Cüt (jute) və sisal kimi təbii liflərdən hazırlanmış xalçalar çox suya qarşı həssasdır və zədələnə bilər. Buna görə də, hər hansı təmizlik vasitəsini əvvəlcə xalçanın görünməyən kiçik bir hissəsində yoxlamaq mütləqdir.

Lalə Qüdrətova
Milli.Az