Maraqlı

Evlərdə təmizləyici dövrünü bitirəcək: Tək toxumla 10 litr suyu təmizləyir

3 May 2026 08:41

Baxış: 439

VTB-də minimal faiz dərəcəsi ilə nağd kredit 9.9%-dən

#MARAQLI

Evlərdə təmiz içməli su əldə etmək üçün istifadə olunan süni təmizləyici sistemlərə təbii bir rəqib tapılıb. "Möcüzə ağacı" kimi tanınan Moringa (Moringa oleifera) ağacının toxumları sudakı mikroplastikləri və çirkləri təmizləmək qabiliyyətinə malikdir.

Milli.Az xəbər verir ki, moringa toxumu özü kran suyundakı mikroplastikləri təmizləməkdə %98,5 nisbətində uğur qazanır.

Toxumlar sudakı mikroplastikləri maqnit kimi özünə çəkərək bir-birinə yapışdırır (laxtalandırır) və onların filtrasiya olunmasını təmin edir.

Bu təbii üsul, hazırda geniş istifadə olunan və sinir sistemi xəstəlikləri ilə əlaqələndirilən alüminium-sulfat qədər effektivdir.

Kimyəvi təmizləyicilərdən fərqli olaraq, Moringa toxumu zəhərsizdir, təbiətdə tam həll olur və zərərli tullantı (palçıq) yaratmır.

Cəmi bir ədəd Moringa toxumu təxminən 10 litr suyu təmizləmək üçün kifayətdir.

Bu ağacın toxumlarından suyun təmizlənməsi üçün min illər əvvəl qədim yunanlar, romalılar və misirlilər tərəfindən də istifadə edilib.

Lalə Qüdrətova
Milli.Az