Maraqlı

İncə telli saçları necə qalınlaşdırmaq olar?

26 Fevral 2026 06:06
Baxış: 1 176
VTB-də minimal faiz dərəcəsi ilə nağd kredit 9.9%-dən
#MARAQLI

Hər kəs həcmli, qalın və sağlam saçların xəyalını qurur. Saçın quruluşu genetik olsa da, düzgün qulluq və bəzi vərdişlərlə saçları daha güclü və dolğun etmək mümkündür.

Milli.Az xəbər verir ki, saçın qalınlığı əsasən genetikdir, lakin zamanla bəzi amillər saçları daha da incəldir:

  • Fen, maşa və kimyəvi boyalar
  • Hava şəraiti və vitamin-mineral çatışmazlığı
  • Yanlış qulluq vasitələri

Saçın əsas quruluşu proteindir. Buna görə də yumurta, balıq, qatıq və paxlalılar kimi bol proteinli qidalar mütləqdir. Bundan əlavə, Biotin, Sink, Dəmir və Omeqa-3 saçların qalınlaşmasına kömək edir.

Saçı davamlı olaraq isti fen və ya maşa ilə yandırmaq saçın daxili quruluşunu zədələyir. Mümkün qədər təbii qurumasına şərait yaradın.

Həftədə 1-2 dəfə barmaq ucları ilə baş dərisini masaj etmək qan dövranını sürətləndirir. Bu, saç köklərinin daha yaxşı qidalanmasına və tellərin zamanla qalınlaşmasına səbəb olur.

Evdə hazırlanan təbii maskalar:

Hindistan qozu, arqan, gənəgərçək (hint yağı) və badam yağları saç tellərini bəsləyir.

Yağı bir az isidib saça çəkdikdə saç kökləri onu daha yaxşı mənimsəyir.

Yumurta və zeytun yağı qarışımı ilə hazırlanan maskalar saçın "kərpiclərini" bərpa edir.

Saçları çox isti su ilə yumaq onları qurudur və incəldir. İlıq sudan istifadə edin. Şampun seçərkən isə tərkibində keratin və kollagen olan məhsullara üstünlük verin.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.