Maraqlı

Dünyanın ən böyük nadir torpaq elementi ehtiyatlarına sahib ölkələr açıqlandı

13 Yanvar 2026 08:41

Baxış: 1 137

VTB-də minimal faiz dərəcəsi ilə nağd kredit 9.9%-dən

#DÜNYADA #TORPAQ

Smartfonlardan döyüş təyyarələrinə, elektromobillərdən külək turbinlərinə qədər müasir dünyanın "tikinti bloku" hesab olunan nadir torpaq elementlərinin (REE) qlobal ehtiyat bölgüsü bəlli olub.

Milli.Az xəbər verir ki, ABŞ Geoloji Araşdırmalar Qurumunun (USGS) məlumatlarına əsasən hazırlanan "Visual Capitalist" hesabatı, stratejik minerallar sahəsindəki qlobal güc balansını ortaya qoyub.

2025-ci ilin məlumatlarına görə, dünya üzrə ümumi nadir torpaq elementi ehtiyatı 91,9 milyon tondur. Maraqlıdır ki, bu ehtiyatların böyük bir hissəsi cəmi bir neçə ölkənin əlində cəmləşib.

Liderlər siyahısı (Milyon tonla):
Çin: 44 milyon ton (Qlobal ehtiyatların təxminən 48%-nə təkbaşına nəzarət edir).

Braziliya: 21 milyon ton (Dünya ehtiyatının 23%-i).

Hindistan: 6,9 milyon ton.

Avstraliya: 5,7 milyon ton.

Rusiya: 3,8 milyon ton.

Vyetnam: 3,5 milyon ton.

Hesabatın ən diqqətçəkən məqamı texnologiya nəhəngi ABŞ-nin cəmi 1,9 milyon ton (qlobal ehtiyatın cəmi 2%-i) ehtiyata sahib olmasıdır. Bu, ABŞ-nin xammal və emal olunmuş məhsul ticarətində Çindən ciddi asılılığını göstərir. Tramp administrasiyasının bu strateji boşluğu doldurmaq üçün daxili mədən layihələrini maliyyələşdirdiyi və müttəfiq ölkələrlə əməkdaşlığı artırdığı bildirilir.

İnfrastruktur və emal gücləri artırılacağı təqdirdə, aşağıdakı ölkələr gələcəyin kritik oyunçularına çevrilə bilər:

Qrenlandiya: 1,5 milyon ton.

Tanzaniya: 0,89 milyon ton.

Cənubi Afrika: 0,86 milyon ton.

Lalə Qüdrətova
Milli.Az