Maraqlı

Efirdəki hərəkətlərinə görə verilişi dayandırdılar - FOTOlar

26 Dekabr 2025 14:18

Baxış: 1 612

VTB-də minimal faiz dərəcəsi ilə nağd kredit 10.49%-dən

#ŞOU-BİZNES #MARAQLI #CƏMİYYƏT #SOSİAL ŞƏBƏKƏLƏR #TÜRKİYƏ ŞOUBİZNESİ

Türkiyənin Radio və Televiziya Qurumu (RTÜK) "Aşkın Gücü" adlı verilişdə qadınlara qarşı istismar və təzyiqi təşviq edən məzmunların yer aldığını müəyyən edərək, proqramın yayımlandığı rəqəmsal platformaya cərimə tətbiq edib və verilişin platformanın kataloqundan çıxarılmasına qərar verib.

Milli.Az xəbər verir ki, proqramda qadınların qərarvermə prosesinə müdaxilə olunur, onlar bədən və emosiyalar üzərindən obyekt kimi təqdim edilir. Qurumun qiymətləndirməsinə görə, qadınların emosional vəziyyətləri reytinq və maraq naminə istismar olunur və bu davranışlar tamaşaçılara müsbət nümunə kimi təqdim edilir.

Qərar verilişin iştirakçılarından biri olan Perinaz Şirinin hərəkətləri ilə bağlıdır. İran əsilli Perinaz Şiri memarlıq təhsilli model kimi tanınır və "Aşkın Gücü" proqramında emosional çıxışları və münasibətləri ilə tez-tez gündəmə gəlib. Sosial mediada yayılan bəzi görüntülərdə onun da yer alması verilişlə bağlı tənqidlərin daha da artmasına səbəb olub.

Qeyd edək ki, "Aşkın Gücü" verilişi son vaxtlar həm məzmunu, həm də iştirakçılar üzərindən qurulan münasibət forması səbəbindən tez-tez tənqid olunurdu. RTÜK-in bu qərarı isə oxşar formatlı proqramlara ciddi xəbərdarlıq kimi qiymətləndirilir.

İsmayıl
Milli.Az