Maraqlı

Bu ölkədə “Qorxulu adamlar” icarəyə verilir

29 Sentyabr 2025 04:04
Baxış: 1 260
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #YAPONİYA

Yaponiyada çətin görüşlərdə onları müşayiət edib qorxuducu təsir bağışlayacaq şəxslər tutmaq imkanı yaradan şirkət fəaliyyətə başlayıb.

Milli.Az xəbər verir ki, "Qorxulu adamlar" adlandırılan bu şəxslər adətən iri cüssəli, bədənində döymələr olan kişilərdir. Şirkət onların qanqster olmadığını bildirir. Onların xidməti yalnız müşayiət etməklə məhdudlaşır, heç bir qanunsuz hərəkət yerinə yetirilmir.

Əgər müştəri onlardan kimisə döyməyi və ya zərər verməyi tələb edərsə, onlar işi dərhal dayandırırlar.

Şirkətin xidmətlərindən yalnız çətin görüşlər üçün deyil, həm də iş yerindəki zorakılıqlara son qoymaq və səs-küy yaradan qonşuları sakitləşdirmək məqsədilə də istifadə olunur. Müştərilərin sözlərinə görə, "qorxulu adamlar" belə hallarda onlara özlərini daha inamlı hiss etməyə və təhlükəsiz davranmağa kömək edir.

Bu xidmətdə yarım saatlıq müşayiət təxminən 140 dollara, döyməli "qorxulu adamlar"ın 3 saatlıq sifarişi isə 340 dollara başa gəlir.

"Qorxulu adamlar" xidməti göstərən şirkət Tokioda yerləşir. Paytaxt bölgəsindən kənarda sifarişlər zamanı müştərilərdən nəqliyyat xərclərini də ödəmələri xahiş olunur. /Axşam.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.