Maraqlı

Son iki ayın ən güclüsü olacaq - Alimlərdən xəbərdarlıq

7 Avqust 2025 11:53

Baxış: 2 180

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #MAQNİT QASIRĞASI

Alimlər Yer kürəsində son iki ayın ən güclü maqnit qasırğasının müşahidə ediləcəyini bildiriblər.

Milli.Az xəbər verir ki, Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası və Sibir bölməsinin Günəş-Yer Fizikası İnstitutunun mütəxəssisləri bu barədə rəsmi Telegram kanallarında məlumat yayıblar.

Avqustun 5-də baş verən M4.4 səviyyəli böyük günəş alışması nəticəsində tac kütləsinin atılması Yerə ciddi təsir göstərə bilər. Alimlər bildiriblər ki, Yerin maqnit sahəsinə təsir əvvəlki ehtimallardan qat-qat güclü ola bilər. Modellər göstərir ki, planet yüksək sürətli plazma buludu ilə toqquşacaq və bu da geomaqnit aktivliyini artıracaq.

Plazmanın Yerə avqustun 8-də Moskva vaxtı ilə təxminən saat 07:00-da çatacağı gözlənilir. Lakin, Yer kürəsinin tac dəliyi zonasına daxil olması səbəbindən maqnit pozuntuları artıq cümə axşamı gecədən başlaya bilər.

Mütəxəssislərin hesablamalarına görə, geomaqnit indeksi Kp G2 səviyyəsinə uyğun gələn 6 dəyərinə çata bilər. Bu, iyunun 13-dən bəri qeydə alınan ən yüksək göstərici olacaq. Sonuncu dəfə maqnit qasırğası iyulun sonunda, yalnız G1 (minimum) səviyyəsində müşahidə olunmuşdu.

Qeyd edək ki, Perm Politexnik Universiteti və Politexnik Məktəbinin alimləri günəş aktivliyini 11 il əvvəldən proqnozlaşdırmağa qadir olan unikal model hazırlayıblar.

Fidan
Milli.Az