Türkiyədə əməliyyat etdirən qadının bədəni çürüməyə başladı - FOTO

Türkiyədə sinə əməliyyatı etdirən qadın peşman olub.

İngiltərədən Türkiyəyə sinə böyütmə əməliyyatı üçün gedən 31 yaşlı Chloe Roiser başına gələnlərə görə peşman olduğunu deyib.

Aprel ayında Antalyada 4700 dollardan çox vəsait ödəyərək estetik əməliyyat keçirən beş uşaq anası Roiser əməliyyatdan sonra bir gecə xəstəxanada qalıb və ilk günlərdə hər şeyin normal göründüyünü bildirib. "Ağrıkəsicilər çox güclü idi. Hər tərəfim ağrıyırdı, amma bu proseduru əvvəllər etdirmədiyim üçün nə normaldır, nə deyil bilmirdim," deyə o, bildirib.

Evinə döndükdən sonra, keçmiş tibb işçisi olan Roiser tikişlərin birində qəribəlik hiss etdiyini deyib. Əvvəlcə bandajların altında heç nə görünmədiyini, həkimlərin də son müayinədə onu evə göndərdiklərini deyən qadın, indi isə etdiyi seçimə görə peşmandır.

Əməliyyatdan sonra İngiltərəyə qayıdan Chloe Roiser, keçmiş tibb işçisi olduğunu və bütün göstərişlərə əməl etdiyini bildirib.

"Mən tibb bacısıyam, axmaq deyiləm, nə etdiyimi yaxşı bilirəm," deyə Roiser vurğulayıb. "Mənə bütün lazımi sarğı materialları verilmişdi və sarğımı özüm edirdim."

Roiser may ayının sonunda bandajları çıxardıqda sinəsində çürümə hiss edib.

Bir həftə ərzində vəziyyət pisləşib, dərmanlardan istifadə etməsinə və həkimlərinə mesajlar göndərməsinə baxmayaraq, döşündə infeksiya açıq-aşkar görünməyə başlayıb. Nəticədə Roiser yenidən Türkiyəyə qayıtmaq qərarına gəlib.

"Orada məni görəndə həkimlər sinəmə birbaşa altı antibiotik iynəsi və dörd yerli keyidici vurdu," deyə Roiser bildirib. "Çox ciddi infeksiya idi, skalpellə infeksiyanı təmizlədilər. Həkimlər sinə ucumun bir hissəsinin məhv olduğunu və artıq nekroz başladığını dedilər."

Roiserin sözlərinə görə, həkimlər əvvəlcə vəziyyət barədə ona ətraflı məlumat vermək istəməyiblər və yalnız sonra ona daha uzun müddət Türkiyədə qalmalı olduğunu bildiriblər.

Milli.Az