Maraqlı

Müştərini "Tarqovı"dan Nəsimiyə 700 manata apardı - Bakıda film kimi hadisə

29 Aprel 2025 11:29

Baxış: 1 886

VTB-də minimal faiz dərəcəsi ilə nağd kredit 10.49%-dən

#MARAQLI #CƏMİYYƏT #SÜRÜCÜ

Bakıda film kimi hadisə yaşanıb.

Milli.Az xəbər verir ki, ayıq sürücünün etdiyi hərəkət başına bəla olub. Müştəri Nizami küçəsindən ("Tarqovı") adlanan ərazidən Nəsimiyə getmək üçün ayıq sürücü çağırıb. Taksi sürücüsü isə içkili müştərinin 7 manat təşkil edən gediş haqqına görə kartından 700 manatı özünə göndərib.

Artıq sürücü həbs edilib.

Taksi sürücüsü və "ayıq sürücü" kimi də xidmət göstərən Orxan H. barəsində Cinayət Məcəlləsinin 177.2.3-1-ci maddəsi ilə cinayət işinə məhkəmədə baxılıb.

Məhkəmədə məlum olub ki, Şakir adlı şəxs Səbail rayonu, "Tarqovı" kimi bilinən ərazidə yerləşən restoranların birində spirtli içkidən istifadə edib. Evinə getmək üçün taksi fəaliyyəti ilə məşğul olan Orxan H.-nın avtomobilinə əyləşib.

Təqsirləndirilən şəxs onu "Tarqovı"dan yaşadığı Nəsimi rayonu, A.Məhərrəmov küçəsinə aparıb. Üzərində nağd pul olmayan müştəri mobil telefondakı tətbiq vasitəsilə kartdan karta köçürməklə ödəniş etmək istəyib. Spirtli içkinin təsirinə görə gözü yaxşı görməyən müştəri telefonunu taksi sürücüsünə verərək öz kartına 7 manat ödəniş etməsini xahiş edib.

Bir gün sonra kartdan başqa bir karta 700 manat pul köçürüldüyünü aşkar edib. O, pulu geri qaytarmasını tələb etsə də, qarşı tərəf boyun qaçırıb.

Məhkəmənin qərarı ilə, ayıq sürücü 2 il 8 ay müddətinə azadlıqdan məhrum edilib.

Milli.Az