Maraqlı

Məktəblərdə yeni qidalanma qaydaları: Qazlı içkilər və fastfud menyudan çıxarılır

18 Aprel 2025 23:48

Baxış: 585

VTB-də minimal faiz dərəcəsi ilə nağd kredit 10.49%-dən

#İSPANİYA #MƏKTƏB

İspaniyada məktəblərdə uşaqların qidalanma sistemində ciddi dəyişikliklərə start verilib.

Milli.Az xəbər verir ki, Nazirlər Şurası təhsil müəssisələrində sağlam qidalanmanı təşviq edən yeni normativ sənədi təsdiqləyib.

Yeni qaydalara əsasən, məktəblərdə şirin qazlı içkilər, enerji içkiləri və sənaye üsulu ilə hazırlanan çörəklərin satışı tamamilə qadağan edilir.

Sosial hüquqlar və gündəmlə bağlı məsələlər üzrə nazir Pablo Bustinduy bildirib ki, bu addım uşaqlarda sağlam həyat tərzini formalaşdırmaq məqsədi daşıyır.

Yenilənmiş menyulara meyvə, tərəvəz, paxlalılar, balıq və keyfiyyətli ət məhsulları daxil ediləcək. Məqsəd şagirdlərin gündəlik ehtiyaclarını qarşılayan balanslı qidalanma ilə təmin olunması və onların fiziki-psixoloji inkişafına töhfə verməkdir.

Asya
Milli.Az