Bill Qeyds 100 milyardlıq sərvətindən övladlarına nə miras qoyacaq?

Dünyanın ən zəngin iş adamlarından biri olan Bill Qeytsin üç övladı ölümündən sonra sərvətinin 1%-dən azını miras alacaq.

Milli.Az bildirir ki, bu məlumatı "Microsoft"un qurucusu hindistanlı bloger Raca Şamaninin "YouTube" podkastında qonaq olarkən bird aha təsdiqləyib. 

Aparıcı söhbət zamanı bir çox valideynlərin "hər şeyi övladları üçün saxlamağı" özlərinə borc bildiklərini gündəmə gətirib. Şamani Qeytsdən miras məsələsində valideynlərin mövqeyinin necə olması lazım olduğunu düşündüyünü soruşub. 

Xatırladaq ki, iş adamı bundan əvvəl varislərinə sərvətinin yalnız kiçik bir hissəsini buraxacağını bildirmişdi:

Ötən ilin payızında 69 yaşı tamam olan milyarder, "Övladlarım gözəl tərbiyə və təhsil alıblar, lakin onlar ümumi sərvətin 1%-dən də azını alacaqlar. Çünki qərara gəldim ki, bu, onlara yaxşılıq etməyəcək. Bu, sülalə deyil. Mən onlardan "Microsoft"u idarə etməyi tələb etmirəm".

"Düşünürəm ki, nə edəcəyinə qərar vermək hər bir fərdin öz ixtiyarındadır. Mən övladlarıma öz gəlirlərinə və uğurlarına sahib olmaq, sahib olduğum inanılmaz şans və sərvətdən asılı olmamaq şansı vermək istəyirəm", - deyə Bill vurğulayıb. 

Aparıcı həmçinin B. Qeytsdən övladlarının milyardlarının çoxunun hesablarına düşməyəcəyindən məyus olub-olmadığını soruşub. 

Dünyanın ən böyük özəl xeyriyyə təşkilatının qurucusu olan Qeyts, "Əgər övladlarınızın sevginizi maliyyə dəstəyi ilə qarışdırmasını istəmirsinizsə, onda siz əvvəldən öz fəlsəfənizi izah etməlisiniz: onların hamısına eyni münasibət bəsləyəcəksiniz və onlara inanılmaz imkanlar verəcəksiniz, lakin bu resursların ən yüksək məqsədi ehtiyacı olanlara geri qayıtmaqdır" fikirlərini dilə gətirib. 

Qeyd edək ki, 27 illik evliliyindən sonra 2021-ci ildə boşandığı Bill Qeyts və keçmiş həyat yoldaşı Melinda Frensin 28 yaşlı qızları Cennifer və 22 yaşlı Fibi və 25 yaşlı oğlu Rori var. "Forbes"in məlumatına görə, "Microsoft" həmtəsisçisinin hazırkı sərvəti 101,2 milyard dollardır. Beləliklə, Qeytsin uşaqları təxminən 1 milyard dollar alacaq. /olay.az

Milli.Az