Maraqlı

"Titanik"in daha bir sirri açıldı - Gəmi heyəti son ana qədər...

9 Aprel 2025 12:50

Baxış: 2 324

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI

1912-ci ildə aysberqə çarpdıqdan sonra batan məşhur səyahət gəmisi Titaniklə bağlı sirlər üzə çıxmağa davam edir.

Milli.Az xarici mediaya istinadla xəbər verir ki, dərin dəniz xəritəçəkmə şirkəti Magellan Ltd Titanik gəmisinin 3800 metr dərinlikdə qalıqlarını rəqəmsal olaraq skan edərək, heyrətamiz yeni görüntülər əldə edib.

Skanlar zamanı gəminin ikiyə bölündüyü nöqtəyə yaxın olan qazanxana ətraflı şəkildə görüntülənib. Qazanların bəzilərinin içəriyə çökməsi onların toqquşma zamanı hələ də işlək vəziyyətdə olduğunu göstərir. Bu, gəmi heyətinin qəzadan bir qədər əvvəl işıqları yandırmaqda çətinlik çəkdiyini təsdiqləyən tapıntı hesab edilir.

Titanik eksperti Parks Stephenson BBC-yə bildirib ki, yeni skanların tarixi əhəmiyyəti var:

"Titanik fəlakətin sağ qalan sonuncu şahididir və hələ danışacaq hekayələri var".

Skanlanan görüntülərdə britaniyalı mühəndis Cozef Bellin başçılıq etdiyi mühəndis qrupunun gəmi batarkən işıqları yandırmaq üçün qazanlara kömür atmağa davam etdiyi görünür. Ehtimal olunur ki, Bell və onun heyətinin bu səyi bir çox sərnişinin xilasedici qayıqlara təhlükəsiz şəkildə minməsinə şərait yaradıb.

Stephensona görə, "Onlar xaosu bacardıqları qədər gecikdirdilər. Bu, sonrakı hissədə hələ də açıq olan buxar klapan ilə simvollaşdırılırdı" .

Qeyd edək ki, titanik 15 aprel 1912-ci ildə Sauthemptondan Nyu-Yorka ilk səfəri zamanı aysberqə çarpdıqdan sonra batan White Star Line şirkətinə məxsus transatlantik sərnişin layneri idi. Qəzadan sonra 2200 sərnişindən yalnız 705-i sağ qalıb.Onun qalıqları 1985-ci ildə Robert D. Ballard tərəfindən Atlantik dənizinin dibində bir neçə kilometr dərinlikdə aşkar edilib.

Milli.Az