Maraqlı

Məşhur firmanın reklamı qadağan edildi - Nazirlik 2,2 milyon cərimələdi

10 Mart 2025 09:45

Baxış: 2 938

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI

"Procter & Gamble" şirkətinin "Ariel" markasına aid reklam istehlakçıların şikayətləri əsasında Türkiyənin Ticaret Nazirliyi tərəfindən qadağan edilib.

Milli.Az xəbər verir ki, buna səbəb reklamın reallığı əks etdirməməsidir.

Belə ki, reklamda "Ariel Hızlı Çözünme Dağ Esintisi" adlı toz yuyucu vasitənin rəqiblərindən daha az miqdarda istifadə olunduqda belə daha yaxşı təmizlik verdiyi iddia olunurdu. Lakin Reklam Şurasının apardığı yoxlamalar göstərib ki, bu iddianın sübut kimi göstərilən IPSOS hesabatı etibarlı deyil və müqayisəli testlər düzgün şərtlər altında aparılmayıb.

Araşdırma zamanı məlum olub ki, reklamdakı kimi ləkələrin tək yuyulmada çıxması üçün parçalar əslində səkkiz dəfə yuyulub. Beləliklə, reklamın müvafiq qaydalara zidd olduğu müəyyən edilib və "Procter & Gamble" şirkətinə 2,2 milyon lirə cərimə tətbiq edilib, reklamın yayımlanması isə qadağan edilib.

İsmayıl
Milli.Az