Kişinin evliliyə hazır olduğunu göstərən 7 Əlamət

Evliliyə hazır olduğunu bir kişi nadir hallarda açıq şəkildə elan edir. Əksər hallarda bunu onun gündəlik davranışlarındakı xırda detallar büruzə verir. Məsələn, o birdən-birə mebel endirimlərinə maraq göstərməyə başlayır və ya interyer şəkillərini "ilham üçün" saxlayır. Bu, dizayna olan qəfil maraq deyil, ortaq gələcəyin planlaşdırılmasıdır.

Milli.Az bu əlamətləri sizə təqdim edir:

Birgə maliyyə planlarını düşünməyə başlayır

Əgər əvvəllər maliyyə mövzusundan uzaq dururdusa, amma indi birgə hesab açmağı və ya ortaq tətil planlaşdırmağı təklif edirsə, bu, sadəcə praktik düşüncə deyil. Bu, onun resursları bölüşməyə hazır olduğunu göstərir.

Gözlənilməz suallar verir

Məsələn, "Evdə yoxsa mənzildə yaşamaq istərdin?" kimi suallar. Əvvəllər adi söhbət kimi görünə bilərdi, amma əslində o, sizin dəyərlərinizin uyğun olub-olmadığını yoxlayır.

Məişət vərdişlərini gizlətmir

Əgər əvvəllər çirkli corablarını yatağın altında gizlədirdisə, amma indi ortalıqda qoyursa, bu, sadəcə tənbəllik deyil. Bu, özünü olduğu kimi təqdim etməkdir, yəni o, sizə hər iki tərəfi - həm müsbət, həm də mənfi xüsusiyyətlərini göstərir ki, qərarı tam bilincli verə biləsiniz.

Dostları sizi onun həyatının daimi hissəsi kimi qəbul edirlər

Əgər dostları sizinlə sabit və ciddi münasibətiniz olduğunu vurğulayırsa, deməli, o da belə düşünür.

Sizinlə kiçik məişət məsələlərində mübahisə edir

Pərdə rəngi, divar kağızı və ya evin tərtibatı kimi mövzularda mübahisələr sizə qıcıqverici gələ bilər, amma əslində bu, birgə qərar verməyi öyrənmək üçün bir məşqdir.

O, sizə məsləhət verməkdən əl çəkir

Əvvəllər problemlərinizi həll etmək üçün çox çalışırdısa, amma indi sadəcə dinləyir və qucaqlayırsa, bu, onun rəqib yox, tərəfdaş olmaq üçün hazırlaşdığını göstərir.

Dəstəkləyici və sakit qalmağı bacarır

Ən vacib əlamət - o, hər zaman haqlı olduğunu sübut etmək əvəzinə, sizi sakitcə dəstəkləyir. Çünki evlilik təkcə sevinc və xoşbəxtliyi bölüşmək deyil, həm də ağır anlarda səssiz dəstək ola bilməkdir. Əgər bu əlamətlərin çoxunu hiss edirsinizsə, deməli, o, evliliyə hazırdır.  /lent.az

Milli.Az