Maraqlı

"ChatGPT sayəsində münasibətimizi qoruduq"

5 Mart 2025 15:00

Baxış: 2 024

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #TEXNOLOGİYA #SÜNİ İNTELLEKT

Los-Ancelesdə yaşayan Dom Versaci və Abella Bala münasibətlərində yaranan problemləri həll etmək üçün altı aydır süni intellektdən dəstək alır. Onlar ChatGPT-ni bir növ "hakim" kimi istifadə edərək mübahisələrini idarə etməyə çalışırlar.

Cütlük 20 dollar qarşılığında süni intellektin premium versiyasından yararlanır və bu yolla terapiyaya yüksək məbləğlər xərcləmədən münasibətlərini yaxşılaşdırmağa çalışır.

Lakin ChatGPT-nin bəzi tövsiyələri onları təəccübləndirib. Məsələn, süni intellekt bir dəfə onlara münasibətlərini açıq hala gətirməyi və ya başqaları ilə münasibət qurmağı təklif edib. Cütlük bu məsləhətləri dərhal rədd edib.

Psixoloqlar bildirir ki, süni intellekt mübahisələri həll etmək və ünsiyyət bacarıqlarını inkişaf etdirmək üçün faydalı ola bilər. Lakin o, hələlik peşəkar psixoloqların yerini tam əvəz edə bilməz və onun tövsiyələrinin nə dərəcədə etibarlı olduğu barədə yetərli araşdırmalar mövcud deyil.

Buna baxmayaraq, ChatGPT münasibət problemlərinə tərəfsiz yanaşdığı, 24 saat əlçatan olduğu və ən əsası, sərfəli qiymətə başa gəldiyi üçün getdikcə daha çox cütlük tərəfindən istifadə edilir. Eyni zamanda, bəzi tədqiqatlar süni intellektin məsləhətlərinin insan terapevtlərinin yazılı tövsiyələrindən daha pozitiv qəbul edildiyini göstərir.

Mütəxəssislər qeyd edir ki, süni intellekt gündəlik problemlərin həlli üçün faydalı alət ola bilər. Lakin ciddi emosional problemlərlə üzləşən insanlar peşəkar dəstək almağı düşünməlidir.

İsmayıl
Milli.Az