PUL
.jpg)
2024-cü ildə sevgi mövzusunda bir neçə film təqdim olundu. Bəziləri qəliz, bəziləri isə ilhamvericidir. Hər kəs bu filmlərdə özünə aid bir şey tapacaq.
Milli.Az 2024-cü ilin sevgi mövzusunda ən yaxşı üç filmini təqdim edir.
"Sevirsənsə, burax"
Bu film Kolin Huverin "Sevirsənsə, burax" kitabı əsasında çəkilib. Hekayə zorakı münasibətlərdən bəhs edir, lakin xoş sonluqla bitir. Lili adlı qız həm mənəvi, həm də fiziki olaraq ona zülm edən ərindən xilas ola bilir və bütün travmalarını sağaldan, ona parlaq və xoşbəxt gələcək üçün ümid bəxş edən həqiqi sevgini tapır.
"Səni düşünmək"
Bu film 40 yaşlı qadın və 24 yaşlı gənc oğlan arasındakı münasibətlərdən bəhs edir. Müasir dünyada yaşamağımıza baxmayaraq, belə cütlüklər hələ də cəmiyyətin qınağı ilə üzləşirlər. Amma böyük yaş fərqi sevgini məhv edə bilərmi? Baş qəhrəmanlar hisslərini gizlətməyə çalışırlar, amma bunu bacaracaqlarmı?
"Rəqiblər"
"Rəqiblər" filmi məşqçiyə çevrilmiş bir tennisçi qadından bəhs edir. Onun həyat yoldaşı da peşəkar olaraq bu idman növü ilə məşğul olsa da, bir sıra məğlubiyyətlərdən sonra motivasiyasını itirməyə başlayır. Qadın sevdiyi insana kömək etməyin yolunu tapır, lakin vəziyyət qızışır, çünki onun növbəti rəqibi qadının keçmiş sevgilisi olur. /Lent.az
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
