Maraqlı

Tez-tez "Niyə evlənmirsən?" sualını verən qonşusunu öldürdü

10 Avqust 2024 01:01

Baxış: 1 730

#DÜNYADA #MARAQLI

İndoneziyada törədilən cinayətin səbəbi bir neçə gündür bütün dünyada müzakirə olunur.

Milli.Az xarici mətbuata istinadla bildirir ki, İndoneziyada 45 yaşlı kişi 60 yaşlı qonşusunu ondan tez-tez niyə evlənmədiyini soruşduğuna görə qətlə yetirib.

Hadisə iyulun 29-da baş verib. Sumatra adasında yaşayan Parlindungan Siregar 60 yaşlı qonşusu Asgim Iriantonu öldürüb. O, 60 yaşlı qonşusunu taxta parçası ilə döyüb. Qonşular onları güclə ayırsa da, kişinin vəziyyəti ağır olub. O, xəstəxanaya aparılarkən yolda dünyasını dəyişib.

Siregar polis tərəfindən saxlanılıb. O, cinayəti etiraf edib və bildirib ki, qonşusu onun subay olması ilə bağlı hər dəfə yersiz zarafat edib. Bundan qıcıqlanan Siregar qonşusunu öldürmək qərarına gəlib.

İsmayıl
Milli.Az