Maraqlı

Belə yatsanız, yuxuda daha çox KABUS GÖRƏCƏKSİNİZ

15 Yanvar 2024 00:05

Baxış: 947

#MARAQLI

Sol böyrü üstə yatan insanlarda kabus görmə riski daha yüksəkdir.

Milli.Az publika.az-a istinadla xəbər verir ki, bu, bu vəziyyətdə ürəyə artan stress ilə bağlı ola bilər.

"Sleep and Hypnosis" jurnalında dərc edilən araşdırma nəticəsində məlum olub ki, sol tərəfdə yatan insanların 41%-i kabuslar görür. Sağ böyrü üstə yatmağa üstünlük verənlərin cəmi 15%-i kabus görür.

Sol tərəfdə yatan insanların ürəyinə daha çox iş yükü düşürş Buna görə gərgin yuxu görmə çox baş verir.

2018-ci ildə aparılan bir araşdırma (BioMedical Engineering OnLine jurnalında dərc olunub) bu duruşun stress üçün xarakterik olan ürək fəaliyyəti ilə əlaqəli olduğunu müəyyən edib. Ürək xəstəliyi olmayan insanlarda ciddi problemlər yaratması ehtimalı azdır, lakin yuxu zamanı narahatlıq hissi xoşagəlməz yuxulara səbəb ola bilər.

Xüsusilə obstruktiv yuxu apnesi olan insanlarda arxa üstə yatmaq da xoşagəlməz yuxulara səbəb ola bilər. Bu vəziyyət tez-tez xoruldama və tənəffüs tutulması ilə müşayiət olunur. Arxa üstə uzanmaq simptomları pisləşdirir və tez-tez oyanmalara, narahat yuxular və kabuslar görməyə səbəb ola bilər.

Milli.Az
Xəbərlərimizi WhatsApp kanalımızdan da oxuyun