Maraqlı

Qahirə yaxınlığında qeyri-adi tapıntı: Uşaq itlərlə birlikdə dəfn edilib - FOTO

22 Yanvar 2023 15:51

Baxış: 1 317

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI

Misirin paytaxtı olan Qahirə şəhəri yaxınlığında aparılan arxeoloji qazıntılar nəticəsində məzardan aşkar edilən səkkiz yaşlı uşaq nəşinin yanından 142 it skeleti aşkar edilib.

Ehtimal edilir ki, məzar eramızdan əvvəl birinci əsrlə bizim eranın ilk illəri arasındakı tarixi dönəmə aiddir.

Milli.Az oxu.az-a istinadən bildirir ki, arxeoloqlar itlərin eyni vaxtda, heç bir zorakılıq olmadan öldüklərini təxmin edirlər. Bu isə heyvanların sel nəticəsində tələf olduğu güman etməyə əsas verir.

Mütəxəssislər qeyd ediblər ki, qədim misirlilərin çoxsaylı heyvanlara sitayiş etmələrinə baxmayaraq, itlər adətən müqəddəs sayılmırdı.

Lakin bununla bərabər bəzi itlərin mumiyalanaraq sahibləri ilə birlikdə basdırılması halına da rast gəlinib.

Uşağın hansı səbəbdən itlərlə basdırıldığı məlum deyil.

Tədqiqatçıların ilkin versiyası ondan ibarətdir ki, yeniyetmə itlərə qulluq edərkən təbii fəlakət baş verib və uşaq itlərlə bərabər öldüyündən onları birlikdə basdırılıb.

Milli.Az