Maraqlı

Qarın bölgənizdə köpmə, şikinlik və gərginlik varsa...

29 Sentyabr 2022 08:01
Baxış: 1 029
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Qarın bölgənizdə köpmə, şikinlik və gərginlik varsa, sizdə aşağıdakı xəstəlik baş verə bilər.
Qarın bölgəsində gərginlik, köpmə, şişkinlik, qəbizlik, qaz və ağırlıq hissi varsa, o zaman sizin bağırsaqlarınızda xəstəlik var. Sadalanan əlamətlərə qusma da əlavə olunarsa, vaxt itirmədən mütləq həkimə müraciət etməlisiniz. Çünki əlamətlərin yoğun və ya nazik bağırsaqlar səbəbindən baş verməsini və müalicəni yanlız həkim təyin edə bilər. Sadalanan əlamətlərin isə bağırsaq keçməzliyinin əlaməti olduğunu özünüz də təxmin edə bilərsiniz. Bağırsaq keçməzliyinin aşağıdakı növləri vardır:
* Mexaniki bağırsaq keçməzliyi - bu bağırsağın tam və ya bir qisminin patoloji faktor səbəbli tutulmasıdır.
* Sadə bağırsaq keçməzliyi - bu bağırsağın yanlız bir hissəsində əmələ gələn tutulmadır.
* Paralitik bağırsaq keçməzliyi - bu nazik bağırsağın motor fəaliyyətinin zəifləməsi səbəbindən baş verən bağırsaq tutulmasıdır.
* Nekrotik bağırsaq keçməzliyi - bu bağırsaq divarının qidalanmaması səbəbindən baş verir. Nekrozlaşma 3-4 saat ərzində meydana gəlir.
Bağırsaq keçməzliyi yeni doğulmuş uşaqlardan ən ahıl yaşlı şəxslərə kimi baş verə bilir. Xəstəliyə diaqnozun qoyulması həkimlər tərəfindən öz təsdiqini tapır. Xəstəlik 30-35% hallarda ölüm riski yarada bilir. Bu səbəblərdən də müalicə əksər hallarda əməliyyat vasitəsilə aparılır. Bağırsaq keçməzliyinin baş verməməsi üçün aşağıdakılara əməl etmək lazımdır:
* rasiona lifli qidalar əlavə etmək
* piyada gəzmək
* qarın əzələlərindəki gərginliyi hərəkətlərlə aradan qaldırmaq
* defekasiya aktını nəzarət altında saxlamaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.