Əgər dostumuz pis insandırsa, deməli özümüzdə nə isə bir problem vardır

Pis rəfiq o kəsdir ki, bizim üçün pis planlar sızar. O kəsdir ki, biz onun çirkin planlarına qulaq asmaq istəmirik, ancaq o, hər bir səy və çalışma ilə bizimlə bir yerdə olur.

Pis dost həmişə təqsirkardır. Bizim üçün rahatdır ki, hər bir pis işimizi onun üstünə ataq və onu təqsirkar bilək. Bəlkə bizim özümüz pis dostuq və başqalarının qulağına şeytani vəsvəsələr edirik.

Pis dost adətən pis insanların sorağına gedər. Ona görə də əgər dostumuz pis insandırsa, deməli bizim özümüzdə problem vardır. Pis dost hər bir vəhşi heyvandan da pisdir. Ona görə də əgər bizim pis dostumuz olsa, nəhayət bizim də abrımızı və dinimizi aradan aparacaqdır.

"Həmin o kəslər ki, mallarını riya və camaata göstərmək xatirinə xərcləyirlər və Allaha və axirət gününə imanları yoxdur. Yoldaş və həmdəmi şeytan olan kəs (bilsin ki,) o çox pis bir həmdəmdir". ("Nisa" 38).

Bəli, pis dost - şeytandır. İnsan şeytan kimi dostla həmişə təhlükədədir. İnsan da zaman keçdikcə şeytani sifətlərə malik olmağa başlayar.

Bir iylənmiş murdarı təsəvvür edin və bir də təmiz suyu təsəvvür edin. Bu təmiz suyu təmiz bir qabda əgər murdarın kənarına qoysanız, baxmayaraq ki, həmin təmiz suyun murdarla heç bir təması yoxdur, ancaq murdarın iyini özünə çəkər və onun kimi iy verməyə başlayar.

Pis dostla birlikdə olmaq da belədir. Namazın vaxtı gəlib çatan kimi dostu deyər ki, indi namazı qılmağa halım yoxdur.Sizi ibadətdən süstləşdirər.

İnsandan xeyir əməl görmək tofiqini alar. Bəzən elə işlər görür ki, insan vacibatlarını belə, yerinə yetirmək istəmir.

Necə ki, Qiyamət günü o kəs ki, pis dost vasitəsilə cəhənnəm əhli olar, təəssüfənər və əlini gəmirməyə başlayar.

"Və (yada sal) o gün(ü) ki, zalım öz əllərinin arxasını çeynəyərək deyəcək: "Kaş peyğəmbərlə birlikdə (mən də Allaha tərəf gedərək) bir yol tutaydım".

"Vay olsun mənə! Kaş (mənim azmağıma səbəb olan) filankəsi (özümə) dost tutmayaydım"".

"Həqiqətən o, Allahın zikr edilərək xatırlanması (və ya Peyğəmbər və Quranın həqiqəti) mənə çatdıqdan sonra o (həmin dost) məni ondan (zikrdən, Peyğəmbərdən və Qur'andan) yayındırdı". Şeytan insanı həmişə xar edib və (indi də) edir". ("Furqan" 27-29).

"Ey insanlar, yer üzündə olan şeylərin (müxtəlif yeməklər və digər varlıqların) halal və paklarından yeyin, faydalanın və şeytanın addımlarına tabe olmayın ki, o sizin aşkar düşməninizdir". ("Bəqərə" 168).

Ona görə də həyatda çalışaq ki, nə biz başqaları üçün şeytan olaq və nə də özümüz şeytanla yoldaş olaq. Dostlarımıza diqqət edək və özümüzə elə dost seçək ki, bizi şeytana deyil, Allaha yaxınlaşdırsın.

"Kim (nəfsi istəklərlə məşğul olaraq) Rəhman Allahı yada salmağa göz yumsa (və nəticədə qəlbi korlaşsa) ona, həmişə (vəsvəsə etmək və azdırmaq üçün) yoldaş və yaxın dost olan bir şeytan qoşarıq". ("Zuxruf" 36).

Milli.Az