Maraqlı

Körpəyə ilk verilən bu qidalar təhlükəlidir

5 İyul 2022 03:03

0 Şərh Baxış: 715

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Körpələrə verilən ilk qidalar zamanı çox diqqətli olunmalıdır.

İmmunitet.az xəbər verir ki, bu barədə Türkiyənin Kocaeli universitetinin pediatrı, professor Nazan Sarper məlumat verib. Onun sözlərinə görə, ilk dəfə körpəyə yumurtanın sarısı verilməlidir:

"Yumurtanın ağında yad protein olduğu üçün bunu uşağa bir yaşından öncə verməməliyik. Körpələrə bal verilməyi də düzgün hesab etmirik. Əsl balı tapmaq çətindir deyə əvəzinə bəhməzi məsləhət görürük".

İlk 6 ayda uşağa inək südünün verilməsini düzgün hesab etməyən pediatr valideynlərə tövsiyələr edib:

"Xüsusilə də ilk 6 ayda ana südü əsasdır. Südünüz çatmırsa hazır qidalardan istifadə edə bilərsiniz. Mümkün qədər 1 il ərzində ana südü verilməlidir. İlk 6 ayın sonunda qatıq, tərəvəz, suplar, kök, kartof kimi qidalar uşağa verilə bilər. Bir həftə alma vermisinizsə, digər həftə mandarina verməlisiniz. Bunun sayəsində uşağın allergiya olub-olmadığını da yoxlaya bilərsiniz".

Sarper, uşaqlara qızartma yeməyin verilməsini yanlış addım kimi dəyələndirib.

"İlk 8 aydan sonra uşağa balıq, toyuq, qırmızı ət verilə bilər. Adətən analar yeməyi yedizdirmək əvəzinə suyuna çörəyi batırıb verməyə çalışırlar. Qeyd edim ki, bunun elə də faydası yoxdur",-deyə Sarper vurğulayıb.

Uşaqlara ət suyu qədər ətin özünü də vermək vacibdir. Mütəxəssis, azyaşlının ət suyunu içməsi ət yediyi anlamına gəlmədiyini qeyd edib:

"Bunun üçün valideynlər qidalandırma zamanı diqqətli olmalı və bol vitaminlərlə zəngin yeməklərə üstünlük verməlidirlər".

Milli.Az