Maraqlı

Hidayət olmağın düşməni insanın yüksəliş yoluna necə təsir edir?

28 İyun 2022 22:10
0 Şərh     Baxış: 289

Şeytan insan yaranandan bəri daim müxtəlif yollarla insanın Allaha yaxınlaşmasına mane olmağa və onu azdırmağa çalışmışdır. Allah Quranda insanı bu düşmənçilikdən xəbərdar edir, onun bir çox hiylələrindən bəhs edir və insana xəbərdarlıq edir.

Şeytanın əsas məqsədi insanı aldatmaq, onu Allaha üsyankar etmək və tağuta tərəf yönəltməkdir. İnsan şeytanın dəvətini qəbul etmək və ya rədd etməkdə tamamilə azaddır.

Əgər şeytanın dəvətini qəbul edərsə, hər bir peşmançılıq və danlaq insanın özünə qayıdır. İş bitdikdə (cənnətliklər Cənnətə, cəhənnəmliklər də Cəhənnəmə daxil olduqda) Şeytan (onu məzəmmət edən kafirlərə) belə deyəcək:

"Allah (peyğəmbərlər vasitəsilə) sizə (pis əməllərinizə görə Cəhənnəmə düşəcəyiniz barədə) doğru vəd vermişdi. Mən də sizə (kömək edəcəyim haqda) vəd vermişdim, amma sonra vədimə xilaf çıxdım. Əslində mənim sizin üzərinizdə heç bir hökmüm (sizi özümə tabe edə biləcək heç bir qüdrətim) yox idi. Lakin mən sizi (günah işlətməyə, Allaha asi olmağa) çağırdım, siz də mənə uydunuz. İndi məni yox, özünüzü qınayın. Nə mən sizin dadınıza çata bilərəm, nə də siz mənim dadıma. Mən öncə (dünyada) sizin məni (Allaha) şərik qoşmağınızı da inkar etmişdim (qəbul etməmişdim). Həqiqətən, zalımları şiddətli bir əzab gözləyir!". (İbrahim, ayə 22).

Şeytanın nüfuz dairəsinin bir çox yolu Qurani-Kərimdə belə bildirilir: "Ey iman gətirənlər! Şeytanın yolunu tutub getməyin! Kim Şeytanın getdiyi yolla getsə, o, çirkin, pis işlər görməyi əmr edər... ". (Nur, ayə 21).

Qurani-kərim şeytanın necə azdırdığını izah etmək üçün "Şeytanın addımları" ifadəsini işlətmişdir. Yəni şeytan insanı addım-addım günaha sürükləyir.

"(Ya Rəsulum!) Allaha and olsun ki, səndən əvvəl də ümmətlərə peyğəmbərlər göndərmişdik. Şeytan onlara öz (çirkin) əməllərini xoş göstərmişdi. Bu gün Şeytan onların dostudur (havadarıdır). Onlar (qiyamət günü) şiddətli bir əzaba düçar olacaqlar!". (Nəhl, ayə 63).

Möhsin Qiraəti bu ayənin təfsirində deyir:

1_ Şeytanın təsir yolu çirkinliyi üzə çıxarmaq, onu bəzəmək və azğınlığa haqq qazandırmaqdır. "فَزَيَنَ لَهُمُ الشَّيْطانُ أَعْمَلَهُمْ"

2_ Şeytanın təzahürlərini qəbul etmək onun hökmranlığının başlanğıcıdır. فَزَيَّنَ‌ ... فَهُوَ وَلِيُّهُمُ‌

Möminü qəm-qüssəyə salmaq, onu Allah yolunda hərəkətə meylsiz etmək, Allahı zikr etməyi insanın ağlından çıxarmaq, yalan vədlər vermək və bir çox başqa hiylələr şeytanın təsir yollarıdır. Qurani-Kərim insanı onlardan çəkindirmişdir.

Milli.Az

13,99%-dən 40 000 AZN-dək zaminsiz, komissiyasız KREDİT

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics