Türkiyədə koronavirusa yoluxan hamilə qadın doğuşdan sonra ölüb.
Milli.Az lent.az-a istinadən xəbər verir ki, 26 yaşlı Nafiye Epçin 33 həftəlik hamilə olarkən koronavirusa yoluxub. Tokat şəhərində müalicə alan hamilə qadının oktyabrın 17-də vəziyyəti ağırlaşıb və xəstəxanalardan birinə yerləşdirilib. İki gün sonra övladını qeysəriyyə əməliyyatı ilə dünyaya gətirib.
Bundan sonra vəziyyəti pisləşən 26 yaşlı qadının həyatını xilas etmək mümkün olmayıb. O, oktyabrın 25-də, doğumdan 6 gün sonra dünyasını dəyişib.
Qeyd edək ki, uşaq indi xəstəxanadadır və vəziyyəti qənaətbəxşdir.
Milli.Az