Hadisə

Xəlil Qasımov vəfat etdi - FOTO

24 Oktyabr 2021 15:26

0 Şərh Baxış: 3 425

VTB-də minimal faiz dərəcəsi ilə nağd kredit 9.9%-dən

#MƏDƏNİYYƏT

Azərbaycan elminə və idman ictimaiyyətinə ağır itki baş verib. Biologiya elmləri doktoru, professor, AMEA-nın müxbir üzvü Xəlil Qasımov 79 yaşında vəfat edib.

Milli.Az bildirir ki, bu barədə APA-ya Azərbaycan Dövlət Bədən Tərbiyə və İdman Akademiyasından məlumat verilib.

Xəlil Məmmədəli oğlu Qasımov 28 fevral 1942-ci ildə Bakı şəhərində anadan olub.

Bakı Dövlət Universitetində ali təhsil alıb.

X.Qasımov ömrünün böyük hissəsini Respublika üçün gənc kadrların hazırlanmasına həsr edib. Uzun illər Bakı Dövlət Universitetində, Tibb Universitetində və Bədən Tərbiyəsi Dövlət Akademiyasında Biofizika və Biokimya ixtisası üzrə mühazirələr oxuyub.

Xəlil Qasımovun 150 Elmi əsəri çapdan çıxıb, onların 110-u xaricdə nəşr olunub. Elmi fəaliyyətinə görə bir sıra mükafatlara, o cümlədən AMEA Rəyasət Heyətinin Fəxri fərmanına layiq görülüb.

Vəfat edənədək Azərbaycan Dövlət Bədən Tərbiyəsi və İdman Akademiyasının Tibbi-bioloji elmlər kafedrasının rəhbəri vəzifəsində çalışırdı. Eyni zamanda Hüceyrə membranlarının fiziki-kimyəvi xassələri laboratoriyasının baş elmi işçisi idi.

Allah rəhmət eləsin!

Milli.Az