Tovuzda yol-nəqliyyat hadisəsi baş verib.
Milli.Az APA-ya istinadən bildirir ki, hadisə rayonun Alakol kəndində qeydə alınıb.
Hərəkətdə olan minik avtomobili idarəetməni itirib. Nəticədə avtomobil yol kənarındakı hasara çırpılıb. Qəza zamanı xəsarət alan 4 nəfər xəstəxanaya yerləşdirilib.
Xəsarət alanlar rayonun Yanıqlı kənd sakinləri - 1999-cu il təvəllüdlü Huseynov Vidadi Eyvaz oğlu,1998-ci il təvəllüdlü İsmaylov Elfaq Aydın oğlu, 1998-ci il təvəllüdlü Mustafayev Məhərrəm Seymur oğlu və 1995-ci il təvəllüdlü Mehdiyev Azər Eyyub oğludur.
Yaralıların vəziyyətinin normal olduğu bildirilir.
Faktla bağlı araşdırma aparılır.
Milli.Az