Hadisə

Şirkətin anbarında iş yoldaşını bıçaqlayıb öldürdü

12 Oktyabr 2021 16:24
0 Şərh     Baxış: 722

Oktyabrın 7-si saat 22 radələrində Abşeron rayonu ərazisində Şahin İslamovu bıçaqlayaraq oktyabrın 10-da xəstəxanada ölməsinə səbəb olan iş yoldaşı tutulub.

Milli.Az qafqazinfo-ya istinadən xəbər verir ki, zərərçəkmişin iş yoldaşı Elnur Salmanov fəhlə kimi işlədikləri "Sunfood" MMC-yə məxsus anbarda şəxsi münasibətlər zəminində aralarında baş vermiş mübahisə zamanı Şahin İslamova bıçaqla xəsarət yetirib.

Nəticədə o, almış olduğu xəsarətdən xəstəxanada ölüb.

Faktla bağlı Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.

Elnur Salmanov şübhəli şəxs qismində tutularaq istintaqa cəlb edilib. Hazırda cinayət işi üzrə zəruri istintaq hərəkətləri davam etdirilir.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.