Hadisə

Badamdarda binadan yeniyetmənin başına daş düşməsi ilə bağlı komissiya yaradılıb

3 May 2021 16:42

Baxış: 1 045

VTB-də minimal faiz dərəcəsi ilə nağd kredit 9.9%-dən

Bakının Badamdar qəsəbəsində daş piltənin qoparaq 14 yaşlı yeniyetmənin başına düşməsinin ilkin versiyası binanın tikintisi zamanı yol verilən nöqsanlardır.

Milli.Az xəbər verir ki, bu barədə Trend-ə Bakı Şəhər Mənzil-Kommunal Təsərrüfatı Departamentindən bildiriblər. Qeyd olunub ki, məsələ araşdırılır, departament tərəfindən komissiya yaradılıb:

"Azərbaycan Respublikası Nazirlər Kabinetinin 2011-ci il tarixli, müvafiq Sərəncamının icrası çərçivəsində Dövlət Neft Şirkəti Sosial İnkişaf İdarəsinin Mənzil Kommunal Xidmətləri Departamentinin balansında olan yaşayış binaları, o cümlədən, sözügedən Bakı şəhəri, Səbail rayonu, Badamdar qəsəbəsi, Rafiq İsgəndərov küçəsi 2 ünvanında yerləşən, 1988-ci ildə inşa edilmiş yaşayış binası 3 saylı Xüsusi Təyinatlı Mənzil-Kommunal Təsərrüfatı Birliyinin balansına qəbul edilib. Birliyin 144 saylı mənzil-kommunal istismar sahəsinin xidmət dairəsindədir.

Bina qəzalı deyil, istismar müddətində konstruktiv elementlərindən hər hansının qəzalı və ya təhlükəli vəziyyətin olması barədə məlumat Bakı şəhər Mənzil Təsərrüfat Departamentina daxil olmamışdır.

Müvafiq araşdırmalardan sonra hadisədə kimin təqsirli olması müəyyənləşdiriləcək. Hadisənin baş verməsinin ilkin versiyası binanın tikintisi zamanı yol verilən nöqsanlardır".

Milli.Az