Dünya

Hindistan Ermənistanda raket istehsal etməyi planlaşdırır

10 Oktyabr 2026 10:11

Baxış: 167

VTB-də minimal faiz dərəcəsi ilə nağd kredit 9.9%-dən

Hindistan Ermənistan ərazisində "Pinaka Mk-II" raketlərinin istehsalı və yığılmasının təşkili imkanlarını müzakirə edir.

Bu barədə IDRW saytı məlumat yayıb.

Bununla belə, Ermənistanda mümkün yerli istehsal proqramının hansı konkret raket variantı əsasında həyata keçiriləcəyi açıqlanmayıb.

İstehsalın mərhələli şəkildə həyata keçirilməsi nəzərdə tutula bilər. Mənbələrin bildirdiyinə görə, ilkin mərhələdə Ermənistan Hindistandan idxal olunan komponent və materiallardan istifadə edə, sonrakı mərhələlərdə isə yerli istehsal komponentlərinin payını tədricən artıra bilər.

İstehsalın dəqiq formatı, raketin konkret variantı və texnologiyaların ötürülməsi şərtləri hələ müəyyənləşdirilməyib. Tərəflər arasında yekun razılaşma da elan olunmayıb. Ermənistanda mümkün istehsalın həcmi davam edən danışıqların nəticələrindən asılı olacaq.

Xatırladaq ki, Ermənistan artıq Hindistan istehsalı olan "Pinaka Mk-II" idarəolunan raketlərini, eləcə də uzaq mənzilli idarəolunmayan "Pinaka" raketlərini silah arsenalına daxil edib.

Müəllif: Malik Məlikov (Milli.Az redaktor)