Hadisə

Xızıda qumbara və partladıcılar tapıldı - FOTO

24 Yanvar 2020 21:30
0 Şərh     Baxış: 428

Xızıdan 3 ədəd əl qumbarası (1 ədəd F-1 və 2 ədəd RQD-5), 1 ədəd UZRQM partladıcısı, 145 ədəd müxtəlif çaplı patronlar, 1 ədəd mobil telefon və 4 ədəd avtomobil dövlət nömrə nişanı aşkar olunub.

Milli.Az Trend-ə istinadən bildirir ki, 2020-ci il 24 Yanvar tarixində saat 11:22-də Daxili İşlər Nazirliyinin ″102″ Xidməti-Zəng mərkəzi sistemindən Agentliyə Xızı rayonu, Giləzi qəsəbəsi ərazisində 2 ədəd əl qumbarasının tapılması barədə məlumat daxil olub.

Məlumata əsasən Agentliyin xüsusi mobil çevik əməliyyat qrupu və Daxili İşlər Nazirliyinin Xızı rayon Polis Şöbəsinin əməkdaşları dərhal həmin əraziyə göndərilib.

Agentliyin mütəxəssisləri və Daxili İşlər Nazirliyinin Xızı rayon Polis Şöbəsinin əməkdaşları tərəfindən birlikdə yuxarıda adı qeyd olunmuş ərazidə 1 ev və həyətyanı sahəyə baxış keçirilib. Təhlükəsizliyi təmin etmək məqsədilə ərazi polislər tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 3 ədəd əl qumbarası (1 ədəd F-1 və 2 ədəd RQD-5), 1 ədəd UZRQM partladıcısı, 145 ədəd müxtəlif çaplı patronlar, 1 ədəd mobil telefon və 4 ədəd avtomobil dövlət nömrə nişanı aşkar olunub, mobil telefon və avtomobil dövlət nömrə nişanları Xızı rayon Polis Şöbəsinə təhvil verilib, hərbi təyinatlı əşyalar isə zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Aşkar olunmuş obyektlərin ətrafında 600 kv.m əraziyə yerüstü, 20 kv.m əraziyə isə yeraltı baxış keçirilib, əlavə təhlükəli əşya və qurğu aşkarlanmayıb.

Milli.Az

Məqaləyə dair fotomateriallar:

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.