Hadisə

Bakıda "avtoş" polisləri arxasına salıb şəhəri bir-birinə qatdı - VİDEO

25 İyun 2019 14:54
7 Şərh     Baxış: 4 711

Bakı Şəhər Dövlət Yol Polisi İdarəsinin əməkdaşları gecə saatlarında şəhər ərazisinə avtoxuliqanlıq edən 99 LE 781 dövlət nömrə nişanlı, "Nissan Sunny" markalı avtomobilin sürücüsü Kamran Qasımovu saxlayıblar.

Milli.Az avtosfer.az-a istinadla xəbər verir ki, İqtisad Universitetinin 4-cü kurs tələbəsi olan Kamran Qasımov etibarnamə olmadan nəqliyyat vasitəsini idarə etdiyi üçün yol polisinin saxla işarəsinə tabe olmayaraq qaçıb. YPX əməkdaşları onu təqib etdikdə isə sürücü qarşısına çıxan bütün maşınları vuraraq əzib.

O təxminən 4 mülkü avtomobil və iki YPX maşınına ziyan vurub. Eyni zamanda işıqforda dayanam zaman yol patrul xidməti əməkdaşı açıq olan şüşədən əlini salaraq avtomobilin qapısını açmaq istəyib. Bu zaman Kamran Qasımov şüşəni bağlayaraq maşını sürüb. Nəticədə qırılan şüşə YPX inspektorunun əlini doğrayıb. Sürücünün narkotik vasitələrin təsiri altında olduğu ehtimalı yaranıb. O, müayinə olunmaq üçün Maştağada yerləşən tibbi müayinə mərkəzinə aparılıb.

Hadisə şahidlərinin sözlərinə görə, sürücü saxlanılan zaman avtomobilində energetik içki və şpris aşkarlanıb. Hazırda sürücü Narkoloji Dispanserdə müayinə olunub. O, narkotik vasitələrinin təsiri altında olduğu təsdiqlənib. Daha sonra isə onun barəsində toplanmış materiallar Nəsimi rayon məhkəməsinə göndəriləcək. 

Milli.Az

loading...

Şərh yaz:

7 Şərh:

  • Anonim
    123 · 25 İyun 15:0060

    papanin gul balasi

    Cavab yaz
  • Anonim
    TRUE · 25 İyun 15:3930

    Alın pravasın,ömürlük maşın sürməyə həsrət qalsın.

    Cavab yaz
  • Anonim
    Tənqidçi · 25 İyun 15:4471

    Mən bu mətni oxuya-oxuya əsəbləşirdim...Sən kimsən ki,polisin göstərişinə tabesizliy göstərirsən??? İndi canın çıxar qanun qarşısında cavab verərsən...sənin kimilərdi qəza edir günahsız adamları öldürür...

    Cavab yaz
  • Anonim
    ALEKS❤ · 25 İyun 16:0331

    İndiki qanunlar çərçivəsində qacan maşını filmlərdəki kimi təqib etmək yolverilməzdi...çünki təqib edilən sürücü daha ağır cinayətlər,qəzalar törədə bilər..nömrəsi var,kamera çəkir cəzasını təyin elə ver məhkəməyə.yoxsa təqib etmək...bu vəziyyəti daha da ağırlaşdırmaq deməkdir.

    Cavab yaz
    • Anonim
      Tənqidçi · 25 İyun 19:0920

      Aleks indiki qanunlar Sən fikirləşdiyin kimi deyil...Lazım gəlsə yol polisi maşını məcburi dayandırmaqdan ötrü xidməti tabel silahından istifadadə edə bilər..cinayətkar polisə qarşı nəqliyyat vasitələrindən istifadə edirsə polis əməkdaşı xəbərdalıq atəşindən sonra cinayətkara atəş etmək hüququ verilir.. .bunu qanun deyir..

      Cavab yaz
  • Anonim
    Aki1 · 25 İyun 18:2510

    Eşi boşş şeydi

    Cavab yaz
  • Anonim
    F.S.D. · 26 İyun 11:2500

    Kimliyindən və harada olmasından asılı olmayaraq nizam intizama tabe olmayan insan mənim üçün ən pis insandır. Polis işindədir və işinə uyğun vəzifəsini yerinə yetirir. tabe olmayan kimliyindən asılı olmadan cəzalanmalıdır.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.