Hadisə

Bakıda xarici ölkə vətəndaşı qəza törədib, ölən və yaralanan var - FOTO

30 Mart 2018 08:04
0 Şərh     Baxış: 2 649
VTB-də minimal faiz dərəcəsi ilə nağd kredit 9.9%-dən

Bakıda ölümlə nəticələnən yol-nəqliyyat hadisəsi baş verib.

Milli.Az report.az-a istinadən bildirir ki, qəza Suraxanı rayonu ərazisində, Zığ şosesində qeydə alınıb.

Gürcüstan vətəndaşı, 1981-ci il təvəllüdlü Balısnıy Aleksandrın idarə etdiyi "Mercedes" markalı avtomobil şosedə əks istiqamətdə hərəkət edərək qarşıdan gələn, Məmməd Söhrab Şöhrət oğlunun idarə etdiyi "Ford" markalı yük avtomobilinin yoluna çıxıb. Nəticədə "Mercedes" "Ford"la toqquşub.

Hadisə zamanı "Ford" avtomobilinin sürücüsünün ayağı sınıb. "Mercedes" markalı avtomobilin sürücüsü isə deformasiyaya uğramış nəqliyyat vasitəsində ağır xəsarət alaraq ölüb.

Əraziyə Fövqəladə Hallar Nazirliyinin (FHN) Xüsusi Riskli Xilasetmə Xidmətinin əməkdaşları cəlb edilib. FHN əməkdaşları "Mercedes"in sürücüsünün meyitini avtomobildən çıxararaq aidiyyəti üzrə təhvil veriblər.

Əraziyə Suraxanı Rayon Polis İdarəsinin əməkdaşları cəlb olunub.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.