Hadisə

Şahbaz Xuduoğlunun ailəsi qəzaya düşdü, xanımı öldü, bacısı yaralandı - YENİLƏNİB

11 Fevral 2015 17:09

18 Şərh Baxış: 20 868

#HADİSƏ

17:09

Milli.Az axar.az-a istinadən xəbər verir ki, Şahbaz Xuduoğlu Yardımlıdan əmisinin yas mərasimindən qayıdarkən qəzaya düşüb və həyat yoldaşı Könül dünyasını dəyişib. Qəza zamanı yaralanan bacısı İlahə isə xəstəxanaya çatdırılıb.

Onun durumunun ağır olduğu bildirilir. Hazırda mərhumə Bakıya gətirilir. Xatırladaq ki, Ş.Xuduoğlunun həyat yoldaşı Tənzilə Rüstəmxanlının bacısıdır.

---------
16:56

Masallı-Yardımlı yolunda ölümlə nəticələnən yol qəzası baş verib

APA-nın xəbərinə görə, hadisə bu gün saat 15.30 radələrində qeydə alınıb.

"Toyota Prado" markalı avtomobilin dərəyə aşması nəticəsində maşında olan 1971-ci il təvəllüdlü Könül Yolçu qızı Rüstəmxanlı hadisə yerində dünyasını dəyişib.

Avtomobildə olan digər sərnişin Əliyeva İlahə Xudu qızı isə xəsarət alaraq Masallı Mərkəzi Rayon Xəstəxanasına yerləşdirilib.

Qeyd edək ki, yol qəzasında dünyasını dəyişən Könül Rüstəmxanlı "Qanun" Nəşrlər Evinin sahibi, jurnalist Şahbaz Xuduoğlunun həyat yoldaşı, yaralanan İlahə Əliyeva isə bacısıdır.

----------
16:50

Millət vəkili, tanınmış şair Sabir Rüstəmxanlının ailəsi ağır yol qəzasına düşüb.

Milli.Az-ın məlumatına görə, Yardımlı rayonu ərazisində baş verən qəzada ölən var.
Sabir Rüstəmxanlının özü də həmin avtomobildə olub.
Ətraflı məlumat öyrənməyə çalışırıq.

Anar Məmmədov
Milli.Az