Hadisə

“Telefonu ver, danışıb qaytaracağam” - deyən müştəri taksi sürücüsünün başına oyun açdı - (Video)

21 Avqust 2026 12:51

Baxış: 1 886

VTB-də minimal faiz dərəcəsi ilə nağd kredit 9.9%-dən

#HADİSƏ #VİDEO #TAKSİ

Müştəriyə danışmaq üçün telefonunu verən taksi sürücüsünün adına 2 200 manat pul yığılıb.

Milli.Az Xəzər TV-yə istinadən xəbər verir ki, paytaxt sakini Azər Mehdiyev Xəzər rayonunun Binə qəsəbəsində taksi fəaliyyəti ilə məşğuldur.

Onun sözlərinə görə, qəsəbə daxilində bir neçə dəfə müştəri kimi avtomobilinə əyləşən şəxslə aralarında səmimi münasibət yaranıb. Hadisə də bundan sonra baş verib.

"Telefonu ver, danışıb qaytaracağam", - deyə həmin şəxs sürücüdən telefonunu istəyib. Azər Mehdiyev telefonu ona verib və özü avtomobilin içərisini təmizləməyə başlayıb. Bir müddət sonra isə həmin şəxsin telefonu götürərək uzaqlaşdığını görüb.

Sürücü daha sonra tanışlarından zənglər almağa başlayıb. Məlum olub ki, onun telefonundan kontaktlarında olan şəxslərə mesajlar göndərilib və onlardan ümumilikdə 2200 manat pul alınıb.

Azər Mehdiyev başına gələnlərlə bağlı dərhal polisə müraciət edib. Onun şikayəti əsasında telefonu götürdüyü deyilən İbrahim adlı şəxs saxlanılıb.

Sürücü hazırda onun adından göndərilən mesajlara inanaraq pul göndərən şəxslərin zərərinin ödənilməsini istəyir.

Vətəndaşın müraciəti əsasında ərazi polis orqanlarında araşdırma aparılır. Araşdırmanın nəticəsindən asılı olaraq hüquqi tədbir görüləcək.

Müəllif: Nərmin Mahmudova (Milli.Az müxbir)