Hadisə

Türkiyədə meyiti tapılan iş adamı "Beniz"in keçmiş əri imiş - (Foto)

12 Avqust 2026 09:11

Baxış: 1 993

VTB-də minimal faiz dərəcəsi ilə nağd kredit 9.9%-dən

#HADİSƏ #TÜRKİYƏ #TİKTOK

İki gün öncə Türkiyənin İstanbul şəhərinin Qaziosmanpaşa rayonunda yaşayış binasında cəsədi tapılan Rövşən Zeynalovla bağlı bəzi detallar üzə çıxıb.

Milli.Az "Unikal"a istinadla xəbər verir ki, 1977-ci il təvəllüdlü Rövşən Zeynalovun nəşi ailəsinə təhvil verilib.

Əslən Qubadlı rayonundan olan Rövşən Zeynalov Türkiyədə iş adamı olub və ayaqqabı biznesi ilə məşğul olub.

Digər məlumata görə, azərbaycanlı iş adamı "Bəniz" ləqəbli tiktoker Aybəniz Xəlilovanın həyat yoldaşı olub. Onların bu evlilikdən Mətin adlı övladları var.

Qeyd edək ki, tiktoker "Beniz" 10 il 3 ay müddətində azadlıqdan məhrum edilib. Buna səbəb tiktoker barəsində sevgilisi X.Kərimov tərəfindən Suraxanı Rayon Polis İdarəsinə edilən şikayət olub. Hüquq-mühafizə orqanları tərəfindən "Beniz" barəsində Cinayət Məcəlləsinin 182.2.2 (hədə-qorxu ilə tələb etmə, təkrar törədildikdə) və 182.2.4-cü (hədə-qorxu ilə tələb etmə, xeyli miqdarda əmlak əldə etmək məqsədilə törədildikdə) maddələri ilə cinayət işi başlanıb.

Müəllif: Tural Hüseyn (Milli.Az redaktor)