Hadisə

İran səfirliyi jurnalistlərin suallarını cavablandırmadı - FOTO

5 Mart 2026 15:34

Baxış: 2 036

VTB-də minimal faiz dərəcəsi ilə nağd kredit 9.9%-dən

#IRAN #AZƏRBAYCAN #NAXÇIVAN

İran İslam Respublikasının Azərbaycandakı Səfirliyinin qarşısına gələn jurnalistlər səfirlik nümayəndələrinin açıqlamasını gözləyiblər.

Milli.Az xəbər verir ki, media nümayəndələri müəyyən müddət səfirliyin qarşısında gözləsələr də, binadan heç bir rəsmi şəxs çıxmayıb və jurnalistlərin sualları cavabsız qalıb.

Qeyd edək ki, martın 5-də Naxçıvan Beynəlxalq Hava Limanına dron hücumu olub.

İran ərazisindən uçan dron aeroportun binasına və Babək rayon Şəkərabad kənd tam orta məktəbin yaxınlığına düşərək partlayıb.

Hadisə nəticəsində 4 mülki şəxs xəsarət alıb.

Azərbaycan Xarici İşlər Nazirliyinin hadisə ilə bağlı bəyanat yayaraq İran İslam Respublikası tərəfindən qısa müddət ərzində qeyd olunan məsələyə aydınlıq gətirilməsini, buna izahat verməsini və bu kimi halların gələcəkdə təkrarlanmaması üçün zəruri təxirəsalınmaz tədbirlər görməyi tələb edib.

İran İslam Respublikasının Azərbaycan Respublikasındakı fövqəladə və səlahiyyətli səfiri Müctəba Dərmiçilu Xarici İşlər Nazirliyinə çağırılıb. İran tərəfinə kəskin etiraz bildirilib və nota təqdim olunacağı qeyd edilib.

Milli.Az