Hadisə

Röyal Cəfərovun ölkədən çıxışına "stop" qoyuldu - SƏBƏB

21 Fevral 2026 09:20

Baxış: 1 166

VTB-də minimal faiz dərəcəsi ilə nağd kredit 9.9%-dən

#HADİSƏ

Yevlax Rayon Məhkəməsi vergi orqanının müraciəti əsasında Xaldan bələdiyyəsinin sədri Röyal Cəfərovun ölkədən getmək hüququnun müvəqqəti məhdudlaşdırılması barədə qərar qəbul edib.

Milli.Az Teleqraf-a istinadən xəbər verir ki, Vergilər Nazirliyinin 11 saylı Ərazi Vergilər Baş İdarəsi vergi ödəyicisinin ölkədən getmək hüququnun müvəqqəti məhdudlaşdırılması barədə ərizə ilə məhkəməyə müraciət edib.

Ərizədə hüquqi şəxs tərəfindən Dövlət Sosial Müdafiə Fonduna 30 985 manat, İşsizlikdən Sığorta Fonduna 1 321 manat, İcbari Tibbi Sığorta Fonduna isə 4 729 manat borcun ödənilməsinin təmin edilməsi məqsədilə həmin şəxsin icra orqanının rəhbəri barəsində məhdudiyyət tətbiq olunması xahiş edilib.

Yevlax Rayon Məhkəməsi Yevlax rayonu, Xaldan bələdiyyəsinin sədri Röyal Kazım oğlu Cəfərovun ölkədən getmək hüququnun müvəqqəti məhdudlaşdırılması barədə qətnamə çıxarıb.

Milli.Az