Hadisə

Heç bir valideyn narazılıq etmir, əksinə, onlar liseyi dəstəkləyirlər - Direktor

9 Fevral 2026 11:45

Baxış: 1 094

VTB-də minimal faiz dərəcəsi ilə nağd kredit 9.9%-dən

#HADİSƏ #CƏMİYYƏT

"İdrak" liseyində 28 yaşlı riyaziyyat müəllimi Şəhla Kamilovanın 10-cu sinif şagirdi Ə.Ş. tərəfindən güllələnməsi ilə bağlı baş verən hadisədən sonra valideynlərin övladlarını həmin təhsil müəssisəsindən çıxarmaq niyyətində olub-olmadığı maraq doğurur.

Milli.Az xəbər verir ki, məsələ ilə bağlı Qaynarinfo-ya açıqlama verən liseyin rəhbəri Mönsüm Alışov bildirib ki, hadisədən sonra heç bir valideyn övladını liseydən çıxartmaq istəyi ilə müraciət etməyib.

Onun sözlərinə görə, insidentdən əvvəl valideyn iclası keçirilib və valideynlər liseydə tədrisin səviyyəsindən razılıqlarını ifadə ediblər:

"Heç bir valideyn bu hadisəyə görə övladını liseydən çıxarmaq fikrində deyil. Valideynlər tədrisdən razıdırlar. Baş verənlər təsadüfi və arzuolunmaz hadisədir. Hadisənin səbəbləri hüquq-mühafizə orqanları tərəfindən araşdırılır".

Valideynlərin mümkün narazılığı və ödənişlərin geri qaytarılması məsələsinə münasibət bildirən lisey rəhbəri qeyd edib ki, hazırda belə bir problem mövcud deyil:

"Baş vermiş arzuolunmaz insidentlə bağlı heç bir valideyn narazılıq etmir, əksinə, onlar liseyi dəstəkləyirlər. Belə bir məktəbdən uşaq çıxardarlar? Belə normal tədris atmosferi harda var?".

Milli.Az