Hadisə

Azərbaycanlı avtoritet zərərsizləşdirildi

5 Noyabr 2025 11:50

Baxış: 3 766

VTB-də minimal faiz dərəcəsi ilə nağd kredit 9.9%-dən

#HADİSƏ #GÜRCÜSTAN

Gürcüstanda polisin keçirdiyi əməliyyatlar zamanı "qanuni oğru"larla əlaqəli 34 nəfər saxlanılıb. Daha 7 nəfərə, o cümlədən, iki nəfərə penitensiar müəssisədə, dörd nəfərə xaricdə və bir "qanuni oğruya" ittiham qiyabi olaraq irəli sürülüb.

Milli.Az yerli mediaya istinadla bildirir ki, bu barədə Gürcüstanın Daxili İşlər Nazirliyindən bildirilib.

Onun sözlərinə görə, şübhəlilərdən 52 yaşlı azərbaycanlı Mirzə Əliyev barəsində məhkəmə tərəfindən həbs qərarı çıxarılıb və o, əməliyyat zamanı xüsusi təyinatlı dəstənin əməkdaşlarına intensiv atəş açıb. Nəticədə xüsusi təyinatlılardan biri döş nahiyəsindən ağır yaralanıb. Polis tərəfindən açılan cavab atəşi nəticəsində Qabal kənd sakini Mirzə Əliyev hadisə yerində zərərsizləşdirilib.

Polis əməliyyatı Mərkəzi Kriminal Polis, Tbilisi, Kaxeti, Mtsxeta-Mtianeti və Xüsusi Tapşırıqlar Departamentinin əməkdaşları tərəfindən ölkə üzrə eyni vaxtda keçirilib.

Məlumatda qeyd olunub ki, təqsirləndirilən şəxslərin mübahisələrin həllində iştirak etdikləri, şərtləri pozanlardan cərimə tələb etdikləri və onları ölümlə hədələdikləri müəyyən olunub. Elmuraz Məmmədov adlı kriminal avtoritetin də cinayətkar fəaliyyətdə aktiv iştirak etdiyi məlum olub.

Saxlanılanların üzərilərində və yaşayış yerlərində aparılmış axtarışlar zamanı onların xaricdə olan "qanuni oğru"larla əlaqə saxladıqları kompüter texnikası və mobil telefonlar, narkotik vasitələr, odlu silah və külli miqdarda pul maddi sübut kimi müsadirə edilib.

"Oğrü dünyası" ilə əlaqəli şəxslərin törətdikləri cinayət əməllərinə görə 15 ilədək azadlıqdan məhrum etmə cəzası nəzərdə tutulur.

Milli.Az