Hadisə

Bu məktəbdə dərslər dəhlizdə keçirilir - VİDEO

1 Noyabr 2025 22:58

Baxış: 480

VTB-də yüksək depozit faizleri daha çox qazandırır

#VİDEO #MƏKTƏB

Yevlaxın Salahlı kəndində yerləşən orta məktəb qəzalı vəziyyətdədir.

Milli.Az-ın məlumatına görə, 400-dən çox şagirdin təhsil aldığı orta məktəbdə yaranmış vəziyyət valideynlərin narahatlığına səbəb olub.

Sakinlər bildirib ki, dam örtüyünün külək qoparan hissəsində yerləşən siniflər yağış yağan zaman su içində olur. Şagirdlərin rahat dərs keçməsi, demək olar ki, mümkünsüzləşir. Təbiət hadisəsinin yaradığı fəsaddan sonra məktəbin 7 sinfi bağlanıb, şagirdlər dəhlizdə dərs keçmək məcburiyyətində qalıblar.

Salahlı kənd sakinləri küləkli, yağışlı havalarda uşaqlarını məktəbdən saxlamaq məcburiyyətində qalırlar. Onlar təhsil ocağında baş verə biləcək təhlükədən daha çox ehtiyyat edərək, belə addım atdıqlarını bildiriblər.

Salahlı kənd orta məktəbində küləkdən sonra yaranan çətinliyin nə vaxt aradan qaldırılacağını öyrənmək üçün adiyyəti qurumlara sorğu ünvanladıq.

Mərkəzi Aran Regional Təhsil İdarəsindən bildirilib ki, Yevlax rayonu, Bəylər Alıyev adına Salahlı kənd tam orta ümumtəhsil məktəbinin dam örtüyünün külək nəticəsində zədələnməsi ilə bağlı daxil olmuş müraciətlər Mərkəzi Aran Regional Təhsil İdarəsi tərəfindən diqqətə alınıb. Məsələ qısa zaman ərzində həll ediləcək.

Daha ətraflı "Xəzər" TV-nin videomaterialında:

Milli.Az