Hadisə

Hökumənin meyiti tapıldı

26 Dekabr 2024 10:44
Baxış: 6 545
VTB-də minimal faiz dərəcəsi ilə nağd kredit 9.9%-dən
#TƏYYARƏ #AZAL #AVİAQƏZA

Qazaxıstan Fövqəladə Hallar Nazirliyi 3 ekipaj üzvünün cəsədinin tapıldığını bildirib.

Milli.Az xəbər verir ki, bu barədə Qazaxıstan mətbuatı məlumat yayıb. 

Məlumata görə, təyyarədə bələdçi kimi çalışan Hökumə Əliyevanın da cəsədi tapılıb. Ondan əlavə pilot İqor Kşnyakin və Aleksandr Kalyaninovun da cəsədləri tapılıb.

Qeyd edək ki, təyyarədə 5 ekipaj üzvü olub. Bunlar İqor Kşnyakin, Aleksandr Kalyaninov, Hökümə Əliyeva, Zülfüqar Əsadov və Aydan Rəhimlidir. Ekipaj üzvlərindən ikisinin sağ qaldığı bildirilib. 

Sağ qalan sərnişinlərindən 12 nəfər bu gün ölkəyə gətirilir. Vəziyyəti qənaətbəxş olan 7 nəfər adi reys, vəziyyəti orta ağır qiymətləndirilən 5 sərnişin isə ayrılmış həkim briqadasının müşayiəti altında Fövqəladə Hallar Nazirliyinin xüsusi təyyarəsi ilə gətirilir.

Xatırladaq ki, dekabrın 25-də Aktau yaxınlığında AZAL-ın təyyarəsinin qəzaya uğraması nəticəsində 38 nəfər həlak olub. 29 nəfər, o cümlədən iki uşaq xəsarət alıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.